1. gr. Mennta- og menningarmálaráðuneytið hefur gefið út námskrá í íslensku fyrir útlendinga samkvæmt fylgiskjali með auglýsingu þessari. Námskráin er ætluð fullorðnum einstaklingum af erlendum uppruna sem setjast að á Íslandi og þarfnast kennslu í grunnatriðum tungunnar. Náminu er ætlað að gera nemendur í stakk búna til þess að eiga samskipti við vinnufélaga og stjórnendur fyrirtækja, njóta góðs af þeirri samfélagsþjónustu sem í boði er og taka virkan þátt í íslensku samfélagi. Er námskrá þessi viðbót við námskrá, nr. 837/2008 sem birt var í B-deild Stjórnartíðinda 2. september 2008. 2. gr. Mennta- og menningarmálaráðuneytið beinir því til fræðsluaðila sem bjóða upp á framhaldsnám í íslensku fyrir útlendinga að þeir hafi námskrána til hliðsjónar við íslenskukennsluna svo að samræmis sé gætt milli einstakra námskeiðshaldara. 3. gr. Auglýsing þessi öðlast þegar gildi. Mennta- og menningarmálaráðuneytinu, 4. janúar 2010. Katrín Jakobsdóttir. Þórhallur Vilhjálmsson. Fylgiskjal.
(sjá PDF-skjal) |