Samkvæmt 19. gr. skipulags- og byggingarlaga nr. 73/1997 hefur ráðherra þann 8. mars 2007 staðfest breytingu á aðalskipulagi Grundarfjarðar 2003-2015, frá 8. desember 2003. Breytingin felst í um 10.000 m² stækkun hafnarsvæðis með landfyllingu austan Nesvegar, sunnan Litlubryggju. Heildarstærð fyllingar verður um 22.300 m². Jafnframt breytist landnotkun á lóð nr. 1 við Nesveg frá því að vera miðsvæði í hafnarsvæði. Skipulagið hefur hlotið þá meðferð sem skipulags- og byggingarlög mæla fyrir um og samþykki bæjarstjórnar Grundarfjarðarbæjar. Skipulagsstofnun hefur afgreitt erindið til staðfestingar. Breytingin öðlast þegar gildi. Umhverfisráðuneytinu, 8. mars 2007. F. h. r. Sigríður Auður Arnardóttir. Ingibjörg Halldórsdóttir. |