1. gr. B-liður 57. gr. samþykktarinnar verður svohljóðandi:
Fulltrúar í fastanefndir kjörnir til fjögurra ára á fyrsta eða öðrum fundi að afloknum bæjarstjórnarkosningum: 1. Atvinnumálanefnd. Fimm aðalmenn og jafnmargir til vara. Nefndin fer einnig með hlutverk ferðamálanefndar, landbúnaðarnefndar og gróðurverndarnefndar skv. 19. gr. laga um landgræðslu nr. 17/1965, og tilnefnir búfjáreftirlitsmenn sem ráðnir eru af sveitarstjórn til fjögurra ára að afloknum sveitarstjórnarkosningum.
2. Byggingar- og skipulagsnefnd. Fimm aðalmenn og jafnmargir til vara skv. 6. og 7. gr. skipulags- og byggingarlaga nr. 73/1997 með síðari breytingum. Nefndin fer einnig með hlutverk samgöngunefndar.
3. Félagsmálaráð. Fimm aðalmenn og jafnmargir til vara skv. 5. gr. laga um félagsþjónustu sveitarfélaga nr. 40/1991 með síðari breytingum. Félagsmálaráði eru jafnframt falin verkefni barnaverndarnefndar skv. 10. gr. laga nr. 80/2002 og verkefni jafnréttisnefndar skv. 10. gr. laga um jafna stöðu og jafnan rétt kvenna og karla nr. 96/2000.
4. Hafnarstjórn Hornafjarðarhafnar. Fimm aðalmenn og jafnmargir til vara skv. 10. gr. hafnalaga nr. 61/2003 með síðari breytingum. Stjórnin er jafnframt rekstarstjórn hafnarinnar.
5. Heilbrigðis- og öldrunaráð. Fimm aðalmenn og jafnmargir til vara skv. 7. gr. laga um málefni aldraðra nr. 125/1999.
6. Húsnæðisnefnd. Þrír aðalmenn og jafnmargir til vara skv. 6. gr. laga um húsnæðismál nr. 44/1998.
7. Kjörstjórn. Þrír aðalmenn og þrír til vara skv. 14. gr. laga um kosningar til sveitarstjórnar nr. 5/1998 og 15. gr. laga um kosningar til alþingis nr. 24/2000. Undirkjörstjórnir er heimilt að kjósa síðar fyrir hverja kjördeild, þrjá aðalmenn og þrjá til vara. (Sjá C. lið hér að neðan).
8. Menningar- og tómstundanefnd. Fimm aðalmenn og fimm til vara. Nefndin fer með stjórn Menningarmiðstöðvar Hornafjarðar og bókasafns skv. ákvæðum laga nr. 36/1997 um almenningsbókasöfn.
9. Skólanefnd. Fimm aðalmenn og fimm til vara skv. 13. gr. laga um grunnskóla nr. 66/1995 og 2. gr. laga um fjárhagslegan stuðning við tónlistarskóla nr. 75/1985. Skólanefnd fer með hlutverk leikskólanefndar skv. lögum um leikskóla nr. 78/1994.
10. Umhverfisnefnd. Fimm aðalmenn og jafnmargir til vara. Nefndin annast störf náttúruverndarnefndar skv. 11. gr. laga um náttúruvernd nr. 44/1999 og stjórn fólkvangs í Óslandi, sbr. auglýsingu nr. 42/1982. 2. gr. Samþykkt þessi sem bæjarstjórn Sveitarfélagsins Hornafjarðar hefur sett samkvæmt ákvæðum 10. og 25. gr. sveitarstjórnarlaga nr. 45/1998, staðfestist hér með til að öðlast þegar gildi. Samgönguráðuneytinu, 18. júní 2008. F. h. r.
Ragnhildur Hjaltadóttir. Stefanía Traustadóttir. |