Að tillögu Seðlabanka Íslands hefur fjármála- og efnahagsráðherra ákveðið að gefa út nýjan peningaseðil. Hinn 24. október næstkomandi mun Seðlabanki Íslands gefa út og setja í umferð 10.000 króna peningaseðil. Seðillinn er gefinn út á grundvelli laga nr. 22/1968, um gjaldmiðil Íslands. Nánari upplýsingar um seðilinn, þ. á m. um öryggisþætti hans og myndefni má finna á heimasíðu Seðlabanka Íslands www.sedlabanki.is.