1. gr. Sjúkratryggingar Íslands endurgreiða kostnað vegna þjónustu sjúkraþjálfara samkvæmt gjaldskrá þessari, sbr. reglugerð nr. 156/2014 um endurgreiðslu kostnaðar vegna þjónustu sjálfstætt starfandi sjúkraþjálfara sem starfa án samnings við Sjúkratryggingar Íslands. 2. gr. Endurgreiðsla Sjúkratrygginga Íslands miðast við gjaldskrá sem tilgreind er í 3. gr. Almennt einingarverð skal vera 41,09 kr. en 45,20 kr. hjá þeim sjúkraþjálfurum sem fengið hafa rétt til að kalla sig sérfræðinga í sjúkraþjálfun samkvæmt reglugerð nr. 1127/2012 um menntun, réttindi og skyldur sjúkraþjálfara og skilyrði til að hljóta starfsleyfi og sérfræðileyfi. Í þeim tilfellum sem samið hefur verið um að reikningar verði sendir rafrænt til Sjúkratrygginga Íslands, sbr. 10. gr. reglugerðar nr. 156/2014, skal einingarverð vera 40 aurum hærra en tilgreint er í 1. mgr. Kostnaðarhluti sjúklings skal reiknaður út frá almennu einingarverði, sbr. 1. mgr. Ef verð þjónustu er lægra en skv. gjaldskrá þessari skal endurgreiðslan miðuð við verð þjónustunnar. 3. gr. Sjúkratryggingar Íslands taka þátt í kostnaði vegna eftirtalinna gjaldliða: | 1. | | Viðbót vegna skoðunar sjúklings, einu sinni fyrir hvern sjúkling, þ.m.t. sjúkling sem nýtur heimameðferðar. Gjaldliðurinn gildir þó ekki í hópþjálfun. Nái meðferðarlota yfir langt tímabil greiða Sjúkratryggingar Íslands þennan lið að hámarki þrisvar á ári eða í síðari skiptin í tengslum við rökstudda umsókn um meðferðarskipti umfram 20 á einu ári eða í tengslum við langtímameðferð, sbr. 5. gr. reglugerðar nr. 156/2014. Ef sjúklingur hefur verið í stuttri meðferðarlotu þar sem greitt hefur verið skoðunargjald en kemur að nýju til meðferðar vegna annars sjúkdóms (með beiðni um nýja meðferð) greiða SÍ skoðunargjald, þó aldrei oftar en þrisvar á ári. Ef fleiri en tveir sjúkraþjálfarar frá sömu stofu/hjá sama fyrirtæki meðhöndla sama sjúkling er að hámarki greitt fyrir þrjár skoðanir á meðferðartímabilinu 115 ein. | | 2. | | Einföld meðferð (gildir einnig fyrir börn yngri en 12 ára, | | | | | sjá að öðru leyti skilgreiningu hér að neðan) | 60 ein. | | 3. | | Almenn meðferð (sjá skilgreiningu hér að neðan) | 115 ein. | | 4. | | Þung meðferð (sjá skilgreiningu hér að neðan) | 170 ein. | | 5. | | Meðferð barna yngri en 12 ára, sbr. þó lið 2 | 170 ein. | | 6. | | Heimameðferð (sjá skilgreiningu hér að neðan) | 200 ein. | | 7. | | Hópmeðferð, a.m.k. 45 mín. (sjá skilgreiningu hér að neðan) | 50 ein. | | 8. | | Meðferð barna í grunnskóla, a.m.k. 45 mín. (sjá skilgreiningu hér að neðan) | 200 ein. | | 9. | | Útvegun hjálpartækja fyrir verulega fatlaða einstaklinga í langtímameðferð 180 til 240 mín. (sjá skilgreiningu hér að neðan) | 400 ein. | | 10. | | Umsókn um stoðtæki og ferlihjálpartæki fyrir börn | 115 ein. |
Frekari skilgreiningar: Skoðun sjúklings. Í henni felst m.a. klínísk skoðun og skráning sjúkrasögu, uppsetning meðferðaráætlunar, ráðgjöf og mat á þörf og færni sjúklings. Ennfremur felst í henni undirbúningur og frágangur sjúkraskýrslu, útfylling eyðublaða, ritun skýrslna, viðræður og símtöl við lækna og aðra sérfræðinga. Meðferð. Meðferð getur verið fólgin í einum eða fleiri eftirgreindra liða: Færniþjálfun og æfingum. Vöðvateygjum, togi og liðlosun. Hita og kælingu. Meðferð í vatni. Nuddi. Rafmagnsmeðferð. Ráðgjöf og fræðslu. Prófunum. Sogæðanuddi. Nálastungum. Hnykkmeðferð. Heimameðferð getur verið fólgin í liðum 1 - 11 að frátöldum lið 4. Hópmeðferð getur verið fólgin í liðum 1, 4 og 7.
Einföld meðferð. Með einfaldri meðferð er átt við eina tegund meðferðarforms þar sem leitast er við að beita gagnreyndri vitneskju á aðferðum innan sjúkraþjálfunar. Almenn meðferð. Með almennri meðferð er átt við blandaða meðferð þar sem leitast er við að beita gagnreyndri vitneskju á áhrifum mismunandi meðferða innan sjúkraþjálfunar. Þung meðferð. Með þungri meðferð er átt við meðferð sjúklinga með útbreidd eða flókin vandamál sem eru mun umfangsmeiri en í almennri meðferð. Þetta á við um einstaklinga sem eru með miklar og útbreiddar hreyfiskerðingar og eru verulega háðir aðstoð við hreyfingar og flestar athafnir í daglegu lífi. Til dæmis mikið andlega eða líkamlega fatlaða einstaklinga, einstaklinga með fjöláverka sem valda verulegri hreyfi- og færniskerðingu og þá sem orðið hafa fyrir skaða á miðtaugakerfi sem veldur útbreiddri hreyfi- og færniskerðingu. Heimameðferð. Með heimameðferð er átt við meðferð veitta sjúklingi í heimahúsi sem er þannig líkamlega á sig kominn að hann kemst ekki í meðferð á sjúkraþjálfunarstofu. Leitast er við að beita gagnreyndri vitneskju á áhrifum mismunandi meðferða innan sjúkraþjálfunar. Hópmeðferð. Með hópmeðferð er átt við að tveir eða fleiri einstaklingar, með svipuð vandamál eða sömu sjúkdómsgreiningu, en þó aldrei fleiri en 10, séu í þjálfun samtímis og skal sjúkraþjálfari vera með þeim allan tímann. Meðferð barna í grunnskóla. Með meðferð barna í grunnskóla er átt við meðferð hreyfihamlaðra barna sem eru háð gönguhjálpartækjum eða hjólastólum við að komast á milli staða og þurfa á þjálfun að halda oftar en einu sinni í viku. Leita þarf samþykkis SÍ fyrirfram fyrir meðferð barna í grunnskóla. Sjúkraþjálfari sendir umsókn til SÍ þar sem fram kemur rökstuðningur fyrir nauðsyn þess að barnið fái þjálfun í grunnskóla. Einungis er samþykkt eitt skipti í viku vegna þjálfunar í grunnskóla, því til viðbótar er nauðsynlegt að barnið fái þjálfun á stofu sjúkraþjálfara. Gengið er út frá því að hvorki sjúkratryggingar né sjúkraþjálfari beri kostnað af aðstöðu eða rými til þjálfunar innan grunnskólans. Útvegun hjálpartækja. Með útvegun hjálpartækja er átt við vinnu við mælingu, mátun og aðlögun vegna sérsmíðaðra hjálpartækja (sérmót) fyrir verulega fatlaða einstaklinga (samþykki Hjálpartækjamiðstöðvar SÍ fyrir sérsmíði þarf að liggja fyrir). Gert er ráð fyrir að þessi gjaldaliður innifeli komu stoðtækjafræðings til viðkomandi sjúkraþjálfara í 3 til 4 skipti. Umsókn um stoðtæki og ferlihjálpartæki. Með umsókn um stoðtæki og ferlihjálpartæki er átt við vinnu við umsókn til Hjálpartækjamiðstöðvar SÍ með mælingu, mátun og aðlögun vegna spelkna, gervilima, bæklunarskóa og ferlihjálpartækja fyrir fötluð börn. Æfingar í sal. Ef eingöngu er um að ræða æfingar í sal undir leiðsögn sjúkraþjálfara flokkast þær sem einföld meðferð enda sé ekki nauðsyn á stöðugu eftirliti. Þegar þjálfun og endurhæfing sjúklinga fer fram í æfingasal með áherslu á færniþjálfun, undir leiðsögn sjúkraþjálfara, getur hún flokkast sem almenn meðferð. Sjálfsæfingar í sal án leiðsagnar sjúkraþjálfara, falla ekki undir gjaldskrá þessa. 4. gr. Gjaldskrá þessi, sem sett er með stoð í 1. mgr. 38. gr. laga nr. 112/2008, um sjúkratryggingar, og reglugerð nr. 156/2014, um endurgreiðslu kostnaðar vegna þjónustu sjálfstætt starfandi sjúkraþjálfara sem starfa án samnings við Sjúkratryggingar Íslands, öðlast gildi 11. febrúar 2014 og er gildistími sá sami og kveðið er á um í 3. gr. reglugerðar nr. 156/2014. Sjúkratryggingum Íslands, 11. febrúar 2014. Steingrímur Ari Arason. Katrín Hjörleifsdóttir. |