1. gr. Eftirfarandi breytingar verða á 1. gr. reglugerðarinnar: C-liður fellur brott. D-liður orðast svo: Undir nafninu Heilbrigðisstofnunin Fjallabyggð sameinast eftirtaldar stofnanir frá 1. janúar 2010: Heilbrigðisstofnunin Siglufirði. Heilsugæslustöðin Ólafsfirði. 2. gr. 2. gr. orðast svo: Ákvæði a- og d-liðar 1. gr. reglugerðarinnar, með síðari breytingum, koma til framkvæmda 1. janúar 2010. 3. gr. Reglugerð þessi, sem sett er með stoð í 3. málsl. 1. mgr. 5. gr. laga nr. 40/2007, um heilbrigðisþjónustu, með síðari breytingum, öðlast þegar gildi. Heilbrigðisráðuneytinu, 11. júní 2009. Ögmundur Jónasson. Berglind Ásgeirsdóttir. |