1. gr.

Eftirfarandi breyting verður á 56. gr.

Önnur málsgrein er ný svohljóðandi:

Heimilt er deild að víkja frá ákvæðum 1. mgr. og halda sjúkra- og upptökupróf strax í kjölfar almennra próftímabila í desember og maí. Ákvörðun þar að lútandi tekur til einstakra námskeiða og felur í sér að próf í viðkomandi námskeiði er þá ekki haldið í ágúst. Próf skv. þessari málsgrein skulu fara fram í fimm til sjö daga á tímabilinu 20.-31. janúar og 10.-20. júní, skv. nánari ákvörðun prófstjóra, enda hafi deild tilkynnt þetta fyrirkomulag öllum skráðum nemendum í viðkomandi námskeiði minnst viku fyrir lok úrskráningarfrests skv. 1. mgr. 57. gr., þ.e. minnst viku fyrir 19. nóvember vegna próftímabils í desember og minnst viku fyrir 10. apríl vegna próftímabils í maí. Komi fram athugasemdir við tilkynninguna skal prófstjóri taka afstöðu til þeirra, en annars telst þetta fyrirkomulag hafa verið samþykkt.

Núverandi 2. og 3. mgr. verða 3. og 4. mgr.

2. gr.

Ákvæði reglna þessara, sem háskólaráð hefur sett á grundvelli laga um Háskóla Íslands nr. 41/1999, öðlast þegar gildi.