1. gr.

Við 3. gr. bætast tvær nýjar málsgreinar, svohljóðandi:

Þrátt fyrir ákvæði 2. mgr. er Neytendastofu heimilt að beiðni hlutaðeigandi hafnarstjórnar og að fenginni umsögn Fiskistofu að veita aðila undanþágu, til 18 mánaða í senn, til hafnar­vigtunar. Skilyrði til veitingar undanþágu samkvæmt þessari grein eru:

að fámenni í viðkomandi byggðarlagi valdi því að örðugt er að fá til starfa lög­giltan vigtarmann sem uppfyllir öll skilyrði 2. mgr.
að sveitarfélag sýni fram á að leitað hafi verið eftir aðila til starfa sem uppfyllir öll skilyrði 2. mgr.

Auk þessa skal sveitarstjórn gera grein fyrir því hvernig brugðist verði við er hafnar­vigtar­maður er vanhæfur til vigtunar, sbr. ákvæði 5. gr.

2. gr.

Framangreindar breytingar öðlast þegar gildi.