Samkvæmt skipulags- og byggingarlögum samþykkti bæjarstjórn Grundarfjarðarbæjar þann 28. janúar 2011 deiliskipulag Berserkseyrar ytri 2 og 3, Grundarfirði. Deiliskipulagið felst í að markaðar eru tvær frístundalóðir í landi Berserkseyrar ytri 2 og ein í landi Berserkseyrar ytri 3. Húsin skulu vera á einni hæð en heimilt er að hafa kjallara. Hámarksgrunnflötur er 100 m² og geta húsin verið 200 m² ef kjallari er byggður. Ef kjallari er ekki byggður er heimilt að nýta rými í risi fyrir svefnloft.
Deiliskipulagið hefur hlotið þá meðferð sem skipulags- og byggingarlög nr. 73/1997 mæla fyrir um og öðlast þegar gildi.

Smári Björnsson skipulagsfulltrúi.