1. gr.

51. gr. samþykktarinnar verður svohljóðandi:

Hreppsnefnd kýs fulltrúa í eftirtaldar nefndir, ráð, stjórnir og embætti:

A. Til eins árs. Á fundi í júní ár hvert:

Oddvitakjör. Oddviti og varaoddviti skv. 14. gr. sveitarstjórnarlaga nr. 45/1998.
Aðalfundur Samtaka sunnlenskra sveitarfélaga. Þrír fulltrúar og þrír til vara samkvæmt samþykktum samtakanna.

B. Til fjögurra ára. Á fyrsta og/eða öðrum fundi að afloknum sveitarstjórnar­kosningum:

Aðalfundur Afréttamálafélags Flóa og Skeiða. Tveir fulltrúar og tveir til vara, sbr. ákvæði í fjallskilasamþykkt og lög um afréttamálefni, fjallskil o.fl. nr. 6/1986.
Almannavarnanefnd Árnesinga. Einn fulltrúi og einn til vara skv. gildandi samningi um nefndina.
Atvinnu-, fjarskipta- og samgöngunefnd. Fimm aðalmenn og jafnmargir til vara. Nefndin skal vera hreppsnefnd til ráðuneytis í þessum málaflokkum, hafa frum­kvæði að tillögugerð á þessum sviðum til hreppsnefndar og vera umsagnaraðili í þessum málaflokkum til dæmis varðandi úthlutanir úr atvinnueflingar­sjóði.
Menningar-, æskulýðs-, velferðar- og jafnréttisnefnd. Fimm aðalmenn og jafnmargir til vara. Nefndin skal vera hreppsnefnd til ráðuneytis í þessum málaflokkum, hafa frumkvæði að tillögugerð á þessum sviðum til hreppsnefndar og vera umsagnaraðili í þessum málaflokkum. Nefndin fer einnig með málefni bókasafnsins skv. 7. gr. laga um almenningsbókasöfn nr. 36/1997 og jafnréttismál samkvæmt ákvæðum laga um jafna stöðu og jafnan rétt kvenna og karla nr. 10/2008.
Skipulagsnefnd uppsveita Árnessýslu. Einn fulltrúi og einn til vara skv. 6. gr. skipulags- og byggingarlaga nr. 73/1997 og samningi sveitarfélaganna um sameiginlega skipulags- og byggingarnefnd.
Félagsmálanefnd uppsveita Árnessýslu. Einn aðalmaður og einn til vara skv. 5. gr. laga um félagsþjónustu sveitarfélaga nr. 40/1991 og samningi sveitarfélaganna um sameiginlega félagsþjónustu.
Afréttarnefnd Gnúpverjaafréttar. Nefndin sér um niðurröðun fjallskila og er sveitarstjórn til ráðgjafar varðandi málefni Gnúpverjaafréttar. Nefndin verði skipuð fjallkóngi og tveimur öðrum af hreppsnefnd.
Fulltrúaráð Brunavarna Árnessýslu. Einn fulltrúi og einn til vara samkvæmt samþykktum Brunavarna Árnessýslu.
Héraðsnefnd Árnesinga. Einn fulltrúi og einn til vara samkvæmt samningi um héraðsnefnd.
Húsnæðisnefnd. Hreppsnefnd fer með verkefni húsnæðisnefndar samkvæmt ákvæðum laga um húsnæðismál nr. 44/1998.
Hússtjórn Þjóðveldisbæjar í Þjórsárdal. Einn fulltrúi og einn til vara samkvæmt máldaga um Þjóðveldisbæinn, dags. 19. júlí 2002.
Landsþing Sambands íslenskra sveitarfélaga. Einn fulltrúi og einn til vara, sbr. lög sambandsins.
Ráðgjafarnefnd um friðun Þjórsárvera. Einn fulltrúi og einn til vara.
Skipulagsnefnd. Hreppsnefnd fer með verkefni skipulagsnefndar samkvæmt ákvæðum skipulags- og byggingarlaga nr. 73/1997.
Skoðunarmenn. Tveir aðalmenn og jafnmargir til vara skv. 69. gr. sveitar­stjórnar­laga nr. 45/1998.
Fræðslunefnd. Fimm aðalmenn og jafnmargir til vara skv. ákvæðum grunnskóla­laga nr. 91/2008 og leikskólalaga nr. 90/2008.
Fræðslunefnd Flúðaskóla. Tveir fulltrúar og tveir til vara samkvæmt samkomulagi við Hrunamannahrepp.
Stjórn hitaveitu í Brautarholti, kaldavatnsveitu í Árnesi og annarra veitumannvirkja sem sveitarfélagið hefur aðkomu að og heyra undir hreppsnefnd.
Þjónustuhópur aldraðra. Starfar skv. 7. gr. laga um málefni aldraðra nr. 125/1999 og í honum skal vera einn sameiginlegur fulltrúi fyrir sveitarfélög sem aðild eiga að Laugarásslæknishéraði. Samkvæmt erindisbréfi sameiginlegrar félagsmála­nefndar uppsveita Árnessýslu skal formaður hennar vera fulltrúi sveitarfélag­anna sem að henni standa í umboði sveitarstjórna á heilsugæslusvæðinu.
Umhverfisnefnd. Fimm aðalmenn og jafnmargir til vara samkvæmt lögum um náttúruvernd nr. 44/1999.
Yfirkjörstjórn. Þrír aðalmenn og jafnmargir til vara skv. 10. gr. laga um kosningar til Alþingis nr. 24/2000 og 14. gr. laga um kosningar til sveitarstjórna nr. 5/1998.

Samþykkt þessi sem sveitarstjórn Skeiða- og Gnúpverjahrepps hefur sett samkvæmt ákvæðum 10. og 25. gr. sveitarstjórnarlaga nr. 45/1998 staðfestist hér með til að öðlast þegar gildi.Samgöngu- og sveitarstjórnarráðuneytinu, 6. október 2010.

F. h. r.

Stefanía Traustadóttir.