FORSETI ÍSLANDS
gjörir kunnugt: Alþingi hefur fallist á lög þessi og ég staðfest þau með samþykki mínu: 1. gr.
1. mgr. 3. gr. laganna orðast svo:
Ráðherra skipar þrjá menn í stjórn fjarskiptasjóðs, þar af formann og varaformann, auk varamanna. Skipunin gildir til þriggja ára í senn.
2. gr.
2. mgr. 5. gr. laganna orðast svo:
Ríkisendurskoðun annast árlega endurskoðun reikninga sjóðsins.
3. gr.
Við 6. gr. laganna bætist ný málsgrein sem orðast svo:
Tekjur ríkissjóðs sem til eru komnar vegna gjalda fyrir afnot af tíðnum, sem lögð eru á samkvæmt heimild í lögum um fjarskipti, nr. 81/2003, skulu renna í fjarskiptasjóð.
4. gr.
Orðin „og allan kostnað Póst- og fjarskiptastofnunar af starfsemi sem tengist verkefnum sjóðsins“ í 7. gr. laganna falla brott.
5. gr.
Síðari málsliður 9. gr. laganna orðast svo: Lög þessi falla úr gildi í árslok árið 2016, inneign sjóðsins eftir uppgjör verkefna við þau tímamót rennur í ríkissjóð.
6. gr.
Lög þessi öðlast þegar gildi.
Gjört á Bessastöðum, 23. desember 2011. Ólafur Ragnar Grímsson.
(L. S.) Ögmundur Jónasson. |