1. gr.

Bæjarstjórn Sveitarfélagsins Hornafjarðar er heimilt að leggja á sérstakt gjald vegna með­ferðar úrgangs í Sveitarfélaginu Hornafirði. Árlegt grunngjald vegna sorphirðu, sorpeyðingar og endurvinnslu í Sveitarfélaginu Hornafirði er sem hér segir:

Íbúðir:

Óski greiðendur eftir stærri/fleiri sorpílátum greiðist viðbótar sorpeyðingargjald í samræmi við ofangreint gjald.

Sækja þarf um mismunandi stærð á tunnum fyrir 1. desember ár hvert. Eingöngu er tekið það sorp sem er í sorptunnum.

Á hvert frístundahús (sumarbústaðir o.þ.h.) er heimilt að leggja sérstakt gjald vegna sorphirðu og/eða sorpeyðingar. Þar sem sumarbústaðir eru 20 eða fleiri skal leggja á sér­stakt gjald fyrir sorphirðu að viðbættu sorpeyðingargjaldi enda verður komið upp gáma­svæði við sumarbústaðahverfi með yfir 20 bústöðum eða fleiri yfir mesta ferða­manna­tímann frá 1. júní – 1. september. Í sumarhúsahverfum með færri en 20 bústaði eru eingöngu lögð á gjöld vegna sorpeyðingar.

2. gr.

Gjald fyrir sorphirðu og -eyðingu samkvæmt 1. gr. hér að ofan skal innheimt með fast­eigna­gjöldum.

3. gr.

Gjaldtaka fyrir úrgang fyrirtækja og rekstur á lögbýlum svo sem búrekstur og önnur matvæla­framleiðsla fer fram með eftirtöldum hætti í samræmi við 2. gr. samþykktar um sorp­hirðu í Sveitarfélaginu Hornafirði og tekur breytingum í samræmi við ákvörðun bæjar­stjórnar ár hvert.

Fastagjald fyrir sorphirðu fyrirtækja skal innheimta með fasteignagjöldum. Sorphirðuaðili sér um að skrásetja og vigta úrgang frá fyrirtækjum. Sveitarfélagið tekur saman skráð gögn ársfjórðungslega og innheimtir í samræmi við ofangreinda gjaldskrá. Innheimta fer fram með innheimtuseðli og skal fylgja sundurliðun kostnaðar með hverjum innheimtuseðli þar sem fram kemur hvenær ílát/gámar voru tæmdir og hvað þeir vógu mikið í þeim tilfellum sem vigtað er.

4. gr.

Fyrirtæki greiða fyrir úrgang sem komið er með til gámaports við áhaldahús eða starfsmenn áhaldahúss ná í heim á bæi. Fyrirtæki greiða fyrir óflokkanlegan úrgang og þann úrgang sem ekki ber úrvinnslugjald. Starfsmaður gámaports ákveður, að fenginni lýsingu úrgangs­hafa á úrgangi, í hvaða flokk úrgangur fellur skv. neðangreindri gjaldskrá.

Án endurgjalds:

Óflokkaður úrgangur:

Spilliefni, mengaður úrgangur o.þ.h. sem úrvinnslugjald er ekki lagt á:

__________
¹ Úrgangur sem þarf að flokka og vinna sérstaklega fyrir förgun og aðra meðhöndlun. Sem dæmi: teppi, dýnur, kaðlar, net, húsgögn, jarðvegur, málmar, steinefni og gler.
² Að mestu úrgangur sem fer ekki í skilgreindan endurvinnsluferil og þarfnast ekki sérstakrar meðhöndlunar fyrir förgun.
³ s.s.ýmis PCB úrgangur
⁴ Etylenglýkól, frostlögur, prýlenglýkól, ediksýra, lífrænar sýrur, asfalt, amín, lífræn sölt, poýól og tektyl.
⁵ s.s. brennisteinssýra, saltsýra, fosfórsýra,flúorsýra, krómsýra, málmhreinsisýrur, lútur, basísk, affitunarböð með cyaníði, galvanhúðunarböð, herðisölt, natríum hydroxíð, fljótandi hýpólórít, málmhydroxíðleðja, ólífræn sölt.
⁶ s.s. lyf, sprautunálar, flugeldar, polyúretan úðabrúsar.

5. gr.

Sveitarfélaginu er heimilt að gera sérstaka samninga um móttöku úrgangs og aðra þjón­ustu­þætti, þegar um er að ræða afmarkaðri eða víðtækari þjónustu en gjaldskráin tekur til.

Sveitarfélaginu er heimilt að ákveða að veita allt að 3% afslátt af framangreindri gjaldskrá gegn skilvísri greiðslu gjalda skv. gjaldskránni. Ennfremur er sveitarfélaginu heimilt að koma á sérstöku fyrirkomulagi sem miðar að jöfnun flutningsgjalda fyrirtækja m.t.t. stað­setn­ingar fyrirtækja og urðunarstaðar.

6. gr.

Gjald fyrir úrgang sem komið er með til urðunar að urðunarstað í Syðra Firði í Lóni er:

Enginn má losa sorp á urðunarstað sem ekki hefur sérstakan samning við Sveitarfélagið um losun úrgangs á urðunarsvæði sveitarfélagsins.

7. gr.

Verði vanskil á greiðslu gjalda samkvæmt gjaldskrá þessari er hægt að innheimta gjöld með fjárnámi hjá úrgangshafa án undangengis dóms, sbr. 4. mgr. 23. gr. laga nr. 55/2003 um meðhöndlun úrgangs og 1. gr. laga nr. 90/1989 um aðför. Gjöld eru tryggð með lög­veðs­rétti í viðkomandi fasteign tvö ár eftir gjalddaga, sbr. lokamálsgrein 25. gr. laga um holl­ustu­hætti og mengunarvarnir nr. 7/1998.

8. gr.

Gjaldskrá þessi, er samin og samþykkt af bæjarráði þann 19. janúar 2015 og staðfest af bæjarstjórn Sveitarfélagsins Hornafjarðar þann 5. febrúar 2015 samkvæmt ákvæðum 25. gr. laga nr. 7/1998.

Gjaldskráin tekur gildi við birtingu. Jafnframt fellur úr gildi eldri gjaldskrá nr. 1109/2009.

Björn Ingi Jónsson bæjarstjóri.