1. gr. Eftirtaldar breytingar verða á 1. gr.: Viðskiptaráðherra skipar samráðsnefnd eftirlitsskyldra aðila til fjögurra ára í senn eftir tilnefningum eftirlitsskyldra aðila. Í nefndinni eiga sæti þrír menn tilnefndir af Samtökum fjármálafyrirtækja, einn tilnefndur af Landssamtökum lífeyrissjóða og einn maður tilnefndur sameiginlega af öðrum eftirlitsskyldum aðilum. 2. gr. Eftirtaldar breytingar verða á 4. gr.: - Í stað orðanna „15. september“ í 2. mgr. kemur: 1. júlí.
- Í stað orðanna „15. ágúst“ í 3. mgr. kemur: 1. júní.
3. gr. Reglugerð þessi er sett með heimild í 7. gr. laga nr. 87/1998, um opinbert eftirlit með fjármálastarfsemi og 9. gr. laga nr. 99/1999, um greiðslu kostnaðar við opinbert eftirlit með fjármálastarfsemi og öðlast hún þegar gildi. Viðskiptaráðuneytinu, 7. janúar 2009. Björgvin G. Sigurðsson. Jónína S. Lárusdóttir. |