1. gr. 1. gr. samþykktarinnar breytist og verður svohljóðandi: Stjórn Sveitarfélagsins Árborgar nefnist bæjarstjórn og er skipuð sjö bæjarfulltrúum kjörnum skv. lögum um kosningar til sveitarstjórna nr. 5/1998, sbr. 8. og 12. gr. sveitarstjórnarlaga nr. 45/1998. 2. gr. B-hluti 58. gr. samþykktarinnar verður svohljóðandi: B. Til fjögurra ára. Á fyrsta eða öðrum fundi að loknum bæjarstjórnarkosningum skulu eftirtaldar fastanefndir kosnar: | | 1) | Félagsmálanefnd. Fimm fulltrúar og fimm til vara skv. gildandi lögum og erindisbréfi fyrir nefndina. | | | 2) | Íþrótta- og æskulýðsnefnd. Þrír fulltrúar og þrír til vara skv. gildandi erindisbréfi fyrir nefndina. | | | 3) | Fræðslunefnd. Fimm fulltrúar og fimm til vara skv. gildandi lögum og erindisbréfi fyrir nefndina. | | | 4) | Menningarnefnd. Þrír fulltrúar og þrír til vara skv. gildandi erindisbréfi fyrir nefndina. | | | 5) | Skipulags- og byggingarnefnd. Fimm fulltrúar og fimm til vara skv. erindisbréfi fyrir nefndina. | | | 6) | Framkvæmda- og veitustjórn. Fimm fulltrúar og fimm til vara skv. gildandi lögum og erindisbréfi fyrir hana. | | | 7) | Kjaranefnd. Þrír fulltrúar og þrír til vara skv. gildandi lögum og erindisbréfi fyrir nefndina. |
Bæjarstjórn getur ákveðið að heimila setu áheyrnarfulltrúa með málfrelsi og tillögurétt í framangreindum nefndum. 3. gr. Eftirfarandi breyting verður á 1. ml. 64. gr. samþykktarinnar: Bæjarstjórn ræður framkvæmdastjóra sveitarfélagsins. 4. gr. Í stað orðsins „bæjarstjóri“ þar sem það kemur fyrir í samþykktinni skulu koma orðin: „framkvæmdastjóri sveitarfélagsins“ í viðeigandi falli. Samþykkt þessi sem bæjarstjórn Sveitarfélagsins Árborgar hefur gert samkvæmt 10. og 25. gr. sveitarstjórnarlaga nr. 45/1998 staðfestist hér til að öðlast þegar gildi. Samgöngu- og sveitarstjórnarráðuneytinu, 5. október 2010. F. h. r. Stefanía Traustadóttir. Hjördís Stefánsdóttir. |