Samkvæmt 19. gr. skipulags- og byggingarlaga nr. 73/1997 hefur ráðherra þann 12. febrúar 2010 staðfest breytingu á aðalskipulagi Grundarfjarðar 2003-2015 frá 8. desember 2003. Breytingin tekur til alls lands sveitarfélagsins utan þéttbýlismarka aðalskipulags Grundarfjarðar 2003-2015 og felst í því að mörkuð er stefna varðandi landnotkun, samgöngu- og þjónustukerfi, umhverfismál og þróun byggðar í dreifbýli sveitarfélagsins, þ.e. á öllu svæðinu utan marka gildandi þéttbýlisuppdráttar. Sveitarfélagsuppdráttur frá 8. desember 2003 fellur jafnframt úr gildi en aðalskipulag heldur gildi sínu að öðru leyti. Samkvæmt fyrirliggjandi gögnum hefur málsmeðferð verið í samræmi við skipulags- og byggingarlög nr. 73/1997 og Skipulagsstofnun yfirfarið erindið og sent ráðherra til staðfestingar. Breytingin öðlast þegar gildi. Umhverfisráðuneytinu, 12. febrúar 2010. F. h. r. Magnús Jóhannesson. Logi Kjartansson. |