1. gr. Markmið. Markmið reglugerðar þessarar er að innleiða nýja útgáfu hugbúnaðar fyrir árekstrarvarakerfi (ACAS II) til að forðast árekstur í lofti fyrir öll loftför sem fljúga á því svæði sem reglugerð þessi nær til og innleiða kröfur um þjálfun áhafna og verklagsreglur í tengslum við notkun á árekstrarvarakerfum. 2. gr. Gildissvið. Gildissvið reglugerðarinnar er nánar skilgreint í 1. gr. reglugerðar (EB) nr. 1332/2011 um sameiginlegar kröfur um notkun loftrýmis og verklagsreglur fyrir árekstrarvara í flugi. 3. gr. Innleiðing. Með reglugerð þessari öðlast gildi eftirfarandi reglugerð framkvæmdastjórnar Evrópusambandsins með þeim breytingum og viðbótum sem leiðir af XIII. viðauka EES-samningsins, bókun 1 um altæka aðlögun og öðrum ákvæðum hans: Reglugerð framkvæmdastjórnarinnar (ESB) nr. 1332/2011 frá 16. desember 2011 um sameiginlegar kröfur til notenda loftrýmisins og verklagsreglur vegna notkunar árekstrarvara loftfara, sbr. ákvörðun sameiginlegu EES-nefndarinnar um breytingu á XIII. viðauka við EES-samninginn nr. 91/2013 frá 3. maí 2013. Reglugerðin er birt sem fylgiskjal með reglugerð þessari.
4. gr. Gildistaka. Reglugerð þessi er sett með heimild í 7. mgr. 28. gr., 28. gr. e., 28. gr. f. og 85. gr., sbr. og 145. gr. laga um loftferðir nr. 60/1998 með síðari breytingum og öðlast þegar gildi. Innanríkisráðuneytinu, 14. október 2013. Hanna Birna Kristjánsdóttir. Ragnhildur Hjaltadóttir. Fylgiskjal.
(sjá PDF-skjal) |