FORSETI ÍSLANDS
gjörir kunnugt: Samkvæmt tillögu forsætisráðherra og með skírskotun til 15. gr. stjórnarskrárinnar, laga um Stjórnarráð Íslands og forsetaúrskurðar um skiptingu Stjórnarráðs Íslands í ráðuneyti, er störfum þannig skipt með ráðherrum: 1. gr. Forsætisráðuneyti. Sigmundur Davíð Gunnlaugsson fer með stjórnarmálefni sem heyra undir forsætisráðuneytið skv. 1. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið forsætisráðherra. 2. gr. Fjármála- og efnahagsráðuneyti. Bjarni Benediktsson fer með stjórnarmálefni sem heyra undir fjármála- og efnahagsráðuneytið skv. 2. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið fjármála- og efnahagsráðherra. 3. gr. Atvinnuvega- og nýsköpunarráðuneyti. Sigurður Ingi Jóhannsson fer með stjórnarmálefni sem heyra undir atvinnuvega- og nýsköpunarráðuneytið skv. 1., 3., 6. og 7. tölul. 3. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið sjávarútvegs- og landbúnaðarráðherra. Ragnheiður Elín Árnadóttir fer með stjórnarmálefni sem heyra undir atvinnuvega- og nýsköpunarráðuneytið skv. 2., 4., 5., og 8. tölul. 3. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið iðnaðar- og viðskiptaráðherra. 4. gr. Innanríkisráðuneyti. Hanna Birna Kristjánsdóttir fer með stjórnarmálefni sem heyra undir innanríkisráðuneytið skv. 4. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið innanríkisráðherra. 5. gr. Mennta- og menningarmálaráðuneyti. Illugi Gunnarsson fer með stjórnarmálefni sem heyra undir mennta- og menningarmálaráðuneytið skv. 5. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið mennta- og menningarmálaráðherra. 6. gr. Umhverfis- og auðlindaráðuneyti. Sigurður Ingi Jóhannsson fer með stjórnarmálefni sem heyra undir umhverfis- og auðlindaráðuneytið skv. 6. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið umhverfis- og auðlindaráðherra. 7. gr. Utanríkisráðuneyti. Gunnar Bragi Sveinsson fer með stjórnarmálefni sem heyra undir utanríkisráðuneytið skv. 7. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið utanríkisráðherra. 8. gr. Velferðarráðuneyti. Kristján Þór Júlíusson fer með stjórnarmálefni sem heyra undir velferðarráðuneytið skv. 1. tölul., c.-f. liðum 3. tölul., 4.-7. tölul. og 11. tölul. 8. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið heilbrigðisráðherra. Eygló Harðardóttir fer með stjórnarmálefni sem heyra undir velferðarráðuneytið skv. 2. tölul., a., b. og h. liðum 3. tölul. og 8.-10. tölul. 8. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið félags- og vinnumálaráðherra. Með úrskurði þessum falla úr gildi eldri ákvæði um skiptingu starfa ráðherra. Gjört á Bessastöðum, 23. maí 2013. Ólafur Ragnar Grímsson.
(L. S.) Sigmundur Davíð Gunnlaugsson. |