a)

Undirbúningur prófs. Umsjónarkennari samræmir prófspurningar í þeim námskeiðum sem hann hefur umsjón með, setur upp prófið og skilar því fullbúnu á tölvutæku formi eða tilbúnu til ljósritunar til prófstjóra eigi síðar en þremur virkum dögum fyrir prófdag. Próf sem prófstjóra er afhent til fjölföldunar skal vera skýrt og skilmerkilegt og spurningarnar númeraðar í samfelldri röð. Ef próf skiptist í hluta skal hver prófhluti hafa fyrirsögn og vægi prófhlutans í heildarprófinu tiltekið í heilum prósentum. Vægi hverrar spurningar skal tiltekið í heilum prósentum. Á forsíðu prófs skal tiltekið nafn og númer námskeiðs, nafn fræðasviðs og deildar, próftímabil, leyfileg hjálpargögn og nafn umsjónarkennara.

b)

Viðvera kennara í prófi. Í prófi á nemandi rétt á að fá útskýringar á orðalagi prófspurninga. Kennarar skulu vera tiltækir á meðan próf stendur yfir. Í undantekningartilfellum er kennara heimilt að verða sér úti um staðgengil með faglega þekkingu á prófsefninu. Kennara og staðgengli ber þá að fara í sameiningu yfir prófverkefnið áður en próf er haldið. Skal umsjónarkennara og prófstjóra tilkynnt um staðgengilinn.

c)

Meðferð prófúrlausna. Umsjónarkennari tekur á móti prófúrlausnum frá kennslusviði og kvittar fyrir móttöku þeirra. Ef um fleiri en einn kennara er að ræða kemur umsjónarkennari úrlausnum til viðkomandi kennara. Umsjónarkennari skipuleggur sýnidag prófs og kemur úrlausnum til varðveislu hjá prófstjóra að lokinni prófsýningu. Að liðnum tveimur árum frá prófdegi skal úrlausnum eytt.

d)

Einkunnaskil. Umsjónarkennari skilar lokaeinkunn til kennslusviðs eigi síðar en á tólfta virka degi eftir prófdag og úrlausnum til kennslusviðs strax að loknum sýnidegi prófs. Sé fleiri en einn kennari í námskeiði skal skila einkunnum úr einstökum prófhlutum til umsjónarkennara eigi síðar en tíu virkum dögum eftir að próf er haldið. Lokaeinkunnum úr próflausum námskeiðum skal skilað eigi síðar en á tólfta virka degi eftir að reglulegri próftíð lýkur. Tilkynna ber nemendum ef veikindi kennara eða aðrar óviðráðanlegar aðstæður koma í veg fyrir að hægt sé að skila einkunnum námskeiðs á tilskildum tíma.

e)

Eldri próf. Prófspurningar úr öllum prófum úr reglulegri próftíð eru varðveittar í 3 ár. Prófspurningar fara að jafnaði á bókasafn háskólans þegar viðkomandi skólaári er lokið. Aðgangur nemenda að eldri prófum er veittur skv. upplýsingalögum nr. 50/1996 með áorðnum breytingum.

a)

Að sjá um gerð próftöflu, leita athugasemda við hana hjá kennurum og nemendum og birta hana nemendum og þeim umsjónarkennurum sem próf eiga í töflunni.

b)

Að tryggja samræmingu á framkvæmd prófa í öllum deildum og á prófstöðum.

c)

Að tryggja að námsmatsreglum og viðurlögum við brotum á þeim sé framfylgt.

d)

Að vera tengiliður á milli kennslusviðs og umsjónarkennara.

e)

Að skipa prófum í stofur og skipuleggja yfirsetur.

f)

Að sjá um, í samvinnu við aðra starfsmenn kennslusviðs, að úrlausnir berist til viðkomandi umsjónarkennara.

g)

Að vera til ráðgjafar um framkvæmd prófa og túlkun námsmatsreglna.

h)

Að láta prófvörðum í té nákvæmar leiðbeiningar um störf sín.

i)

Að sjá um að úrræðum vegna nemenda með sérþarfir sé framfylgt.

a)

Vegna munnlegra og verklegra prófa.

b)

Vegna lokaverkefna í bakkalárnámi, meistaranámi og doktorsnámi.

c)

Vegna samkeppnisprófa þar sem viðhafðar eru fjöldatakmarkanir (numerus clausus).

d)

Vegna sérstakrar beiðni meirihluta nemenda eða umsjónarkennara um að prófdómari fari yfir námsmat með tilliti til uppbyggingar og markmiða námskeiðs.

e)

Vegna beiðni nemenda sem ekki hafa staðist próf sbr. gr. 7 e.

a)

Skráning í próf í reglulegri próftíð. Í upphafi kennslumisseris staðfesta nemendur skráningu í þau námskeið er þeir sækja. Staðfesting gildir sem skráning í próf námskeiðsins. Lokadagar úrsagna úr prófum í reglulegri próftíð eru ákveðnir af háskólaráði og birtir í almanaki skólans. Úrsögn úr prófi skal vera skrifleg og hafa borist kennslusviði eigi síðar en á lokadegi úrsagnar.

b)

Árekstrar í próftöflu. Nemandi sem hyggst taka fleiri en eitt próf sem haldin eru á sama tíma skal koma upplýsingum um það til prófstjóra með a.m.k. viku fyrirvara, þannig að gera megi ráðstafanir til að taka megi prófin hvert á fætur öðru.

c)

Fjarvist í prófi. Nemandi sem ekki mætir til prófs vegna veikinda (þ.m.t. veikinda barns) eða annarra áfalla skal tilkynna forföll samdægurs. Læknisvottorði eða vottorði frá sérfræðingi vegna forfalla skal skilað til kennslusviðs eigi síðar en fimm virkum dögum eftir að próf var haldið, annars telst nemandinn hafa þreytt prófið. Nemandi sem kemur ekki til prófs og hefur ekki boðað forföll telst hafa þreytt prófið og fær einkunnina 0.

d)

Endurtöku- og sjúkrapróf. Að lokinni reglulegri próftíð í desember og apríl-maí eru haldin sjúkra- og endurtökupróf vegna lokaprófa og símatsþátta sem gilda a.m.k. 30% af lokaeinkunn. Heimilt er þó að halda endurtökupróf fyrir fléttunámskeið á því ári sem námskeiðið fer ekki fram. Nemendur sem ekki hafa náð lágmarkseinkunn eða verið fjarverandi í prófi án lögmætra forfalla eiga rétt á því að taka endurtökupróf, en þó aðeins einu sinni í viðkomandi lokaprófi eða símatsþætti. Nemandi sem hefur náð tilskilinni lágmarkseinkunn má þreyta endurtökupróf þegar það er haldið og gildir þá síðasta einkunn. Skráningu í sjúkra- og endurtökupróf skal vera lokið eigi síðar en einni viku fyrir áætlaðan próftíma enda skal umsjónarkennari þá hafa skilað inn lokaeinkunn.

e)

Próftökugjald. Háskólanum er heimilt að innheimta próftökugjald sem ákveðið er af háskólaráði og skal greiðsla fara fram við skráningu í próf. Skráning í sjúkra- og endurtökupróf er ekki gild nema prófgjald berist áður en skráningarfrestur í prófið rennur út.

f)

Aðrir námsmatsþættir. Vegi símatsþáttur minna en 30% getur kennari heimilað endurtöku á viðkomandi misseri. Kennari má jafnframt heimila endurtöku á verklegum þætti utan endurtöku- og sjúkraprófa. Þá er kennara heimilt að gefa nemanda leyfi til að skila verkefnum eftir skiladag, enda hafi kennari gengið úr skugga um að brýnar persónulegar ástæður liggi að baki slíkri beiðni.

a)

Almennt um próftöku. Ætlast er til að nemendur séu mættir til prófs fimm mínútum áður en það hefst. Mæti nemandi meira en einni klukkustund eftir að próf hefst fær hann ekki að þreyta prófið. Nemandi skal hafa með sér skilríki með mynd og láta liggja á borði sínu. Nemandi má ekki hafa yfirhöfn, síma, töskur eða annan búnað, sem ekki tilheyrir leyfilegum hjálpargögnum, við prófborðið. Óheimilt er að valda truflun í prófstofu.

b)

Viðvera nemenda í prófi. Nemendum er aðeins heimilt að yfirgefa prófborð áður en þeir hafa lokið prófinu til þess að fara á salerni, og aðeins undir eftirliti fylgdarmanns. Enginn má skila úrlausnum áður en ein klukkustund er liðin frá upphafi próftíma. Nemendur sem ljúka prófi áður en tilskildum próftíma lýkur skulu fara frá prófstofu og gæta þess að trufla ekki þá sem enn eru í prófi.

c)

Próftími. Ef ófyrirsjáanleg truflun hefur orðið á framkvæmd prófs getur prófstjóri breytt próftíma og ber að tilkynna nemendum það samstundis. Að öðru leyti er ekki hægt að breyta lengd próftíma eftir að próf er hafið nema að ósk umsjónarkennara og með samþykki prófstjóra. Að loknum próftíma ber öllum að skila úrlausnum þegar í stað.

d)

Skil á úrlausnum. Í öllum skriflegum prófum ber að skila úrlausnum merktum með nafni og kennitölu ásamt prófspurningum og rissblöðum til prófgæslumanns að prófi loknu. Fræðasviðum háskólans er heimilt að nota skólanúmer í samráði við prófstjóra og skráir nemandi þá skólanúmer sitt á úrlausnarblöð í stað nafns. Í samsettum prófum skulu nemendur svara hverjum prófhluta á sérstöku blaði.

e)

Fjarpróf. Ef nemandi æskir þess að sitja próftíð annars staðar en á þeim stað sem hann er skráður í nám getur prófstjóri með samþykki deildar heimilað honum að taka próf í annarri háskóla- eða menntastofnun, enda hafi prófstjóri samið fyrirfram við stofnunina um slíkt fyrirkomulag og tryggt sé að viðkomandi stofnun uppfylli gæðakröfur HA. Þessi framkvæmd hafi engan aukakostnað í för með sér fyrir HA.

f)

Brot á námsmatsreglum. Sé nemandi grunaður um að hafa rangt við í prófi skal prófstjóri eða staðgengill hans kallaður til og gerir hann viðeigandi ráðstafanir. Máli nemandans skal síðan vísað til rektors sem tekur ákvörðun um viðurlög og þá eftir atvikum í samráði við siðanefnd háskólans.

a)

Lokaeinkunn í námskeiði. Umsjónarkennari sér um að reikna út lokaeinkunn hvers nemanda í námskeiði. Hafi nemandi staðist námsmatsþátt en ekki náð tilskilinni lokaeinkunn, gildir einkunn fyrir þann námsmatsþátt sem nemandinn stóðst aðeins á viðkomandi skólaári nema deild ákveði aðra reglu. Ef prófdómari er kallaður til gefa kennari og prófdómari hvor um sig sjálfstætt einkunn og gilda þær jafnt í einkunnagjöf eða 50% af heildareinkunn hvor um sig. Nemendur skulu ná lágmarkseinkunn í öllum hlutum námsmats, nema annað sé tekið fram. Lágmarkseinkunn til þess að standast námsmat eða námsmatsþátt í námskeiði er að jafnaði einkunnin 5 og getur aldrei orðið lægri. Deildafundur fræðasviðs eða deildarfundur getur ákveðið að námskeið sé metið með bókstaf S (staðið). Kennslusvið sér um færslu, birtingu og varðveislu lokaeinkunna.

b)

Útskýringar á einkunn. Nemandi á rétt á að fá útskýringar kennara á mati skriflegrar úrlausnar sinnar ef hann æskir þess innan 15 daga frá birtingu einkunnar. Útskýringar á skriflegu mati fela í sér að kennari gefi nemanda upp sundurliðaðar einkunnir og útskýringar á hverri einkunn, þar með talið einkunnir fyrir hverja spurningu í prófi.

c)

Skipun prófdómara. Vilji nemandi sem ekki hefur staðist námskeið ekki una mati kennarans að fenginni útskýringu getur hann með skriflegri beiðni óskað eftir skipun prófdómara innan fjögurra vikna frá birtingu einkunnar, sbr. gr. 4 e.

d)

Útreikningur á einkunnum. Lokaeinkunnir í námskeiðum skulu gefnar í heilum og hálfum tölum frá 0–10 svo sem hér segir:

e)

Önnur einkunnagjöf. Eftirfarandi bókstafir eru auk þess notaðir í einkunnakerfi HA:

S (staðið), L (lokið), M (metið), F (fjarverandi), V (veikindi), Ó (ólokið).

f)

Lokaeinkunn námsferils. Lokaeinkunn námsferils er vegið meðaltal allra einkunna til lokaprófs. Lokaeinkunn námsferils reiknast með tveimur aukastöfum og er 9,00–10,00 ágætiseinkunn, 7,25–8,99 fyrsta einkunn, 6,00–7,24 önnur einkunn og 5,00–5,99 þriðja einkunn.