1. gr. Í stað fjárhæðarinnar „114,80“ í kafla 2.3 Bifreiðahlunnindi undir Takmörkuð afnot kemur: 117,50. 2. gr. Kafli 2.6 Fargjöld með almenningsfarartækjum – öðrum farartækjum breytist í eftirfarandi: 2.6 Samgöngugreiðslur. Ekki skal telja til skattskyldra hlunninda greiðslu launagreiðanda á kostnaði launþega vegna ferða milli heimilis og vinnustaðar og/eða vegna ferða í þágu launagreiðanda, ef nýttar eru almenningssamgöngur eða vistvænn samgöngumáti að hámarki samtals 7.000 kr. á mánuði og að uppfylltum eftirtöldum skilyrðum: Undirritaður sé formlegur samningur milli launagreiðanda og launþega um nýtingu á almenningssamgöngum eða vistvænum ferðamáta vegna ferða launþegans til og frá vinnu sinnar og/eða vegna ferða í þágu launagreiðanda. Með vistvænum samgöngumáta er átt við að nýttur sé annar ferðamáti en með vélknúnum ökutækjum samkvæmt skilgreiningu umferðarlaga, t.d. reiðhjól eða ganga. Séu framangreind skilyrði ekki uppfyllt er alltaf um að ræða skattskyld hlunnindi án frádráttar ef greiðsla er vegna ferða launþega til og frá vinnu.
3. gr. Í stað fjárhæðanna „114,80“, „132,02“ og „166,46“ í kafla 3.1 Frádráttur kostnaðar á móti ökutækjastyrk, kemur: 117,50, 135,13 og 170,38. 4. gr. Reglur þessar, sem settar eru með heimild í 118. gr. laga nr. 90/2003, um tekjuskatt, öðluðust gildi og komu til framkvæmda frá og með 1. janúar 2013. Reykjavík, 10. janúar 2013. Skúli Eggert Þórðarson |