1. gr. Almenn ákvæði. Með reglugerð þessari eru sett ákvæði um þvingunaraðgerðir varðandi Simbabve sem íslensk stjórnvöld hafa ákveðið að framfylgja á grundvelli yfirlýsingar ríkisstjórna aðildarríkja Evrópusambandsins og Fríverslunarsamtaka Evrópu um pólitísk skoðanaskipti, sem er hluti samningsins um Evrópska efnahagssvæðið, sbr. lög nr. 2/1993. Þvingunaraðgerðir Evrópusambandsins varðandi Simbabve byggja á sameiginlegri afstöðu ráðs Evrópusambandsins 2004/161/CFSP frá 19. mars 2004 ásamt síðari breytingum, uppfærslum og viðbótum: ákvörðun ráðsins 2007/455/CFSP, sameiginleg afstaða 2008/135/CFSP, ákvörðun ráðsins 2008/605/CFSP og sameiginleg afstaða 2008/632/CFSP og 2009/68/CFSP. Gerðir Evrópusambandsins, þ.m.t. uppfærðir listar yfir aðila og hluti sem þvingunaraðgerðir beinast að eða varða, eftir því sem við á, eru birtar á vefsetri þess (http://ec.europa.eu/external_relations/cfsp/sanctions/index_en.htm). Ákvæði reglugerðar nr. 119/2009 um framkvæmd alþjóðlegra þvingunaraðgerða skulu gilda um framkvæmd reglugerðar þessarar. 2. gr. Vopnasölubann. Vopnasölubann skal gilda gagnvart Simbabve, sbr. 2.-3. gr. 2004/161/CFSP og síðari breytingar, uppfærslur og viðbætur. 3. gr. Landgöngubann. Einstaklingum, sem tilgreindir eru í viðauka, er óheimilt að koma til landsins eða hafa hér viðkomu, sbr. 4 gr. 2004/161/CFSP og síðari breytingar, uppfærslur og viðbætur. 4. gr. Frysting fjármuna. Frysta skal fjármuni og efnahagslegan auð í eigu aðila sem tilgreindir eru í viðauka, sbr. 5. gr. 2004/161/CFSP og síðari breytingar, uppfærslur og viðbætur. 5. gr. Undanþágur frá þvingunaraðgerð. Ráðherra getur veitt undanþágur frá þvingunaraðgerðum sem gripið hefur verið til á grundvelli gerða Evrópusambandsins, af mannúðarástæðum eða öðrum ástæðum. 6. gr. Viðurlög. Hver sá sem brýtur gegn þvingunaraðgerðum skv. lögum nr. 93/2008 um framkvæmd alþjóðlegra þvingunaraðgerða skal sæta viðurlögum skv. 10. gr. laganna, nema þyngri refsing liggi við samkvæmt öðrum lögum. 7. gr. Heimild. Reglugerð þessi er sett með heimild í 12. gr. laga um framkvæmd alþjóðlegra þvingunaraðgerða nr. 93/2008. 8. gr. Gildistaka. Reglugerð þessi öðlast þegar gildi. Utanríkisráðuneytinu, 26. október 2009. Össur Skarphéðinsson. Einar Gunnarsson. VIÐAUKI
(sjá PDF-skjal) |