HANDHAFAR VALDS FORSETA ÍSLANDS samkvæmt 8. gr. stjórnarskrárinnar, forsætisráðherra, forseti Alþingis og forseti Hæstaréttar, gjöra kunnugt: Að vér samkvæmt tillögu forsætisráðherra staðfestum svohljóðandi reglugerð um breytingu á reglugerð um Stjórnarráð Íslands, nr. 3/2004: 1. gr. Viðbætist svohljóðandi ákvæði til bráðabirgða: Forsætisráðherra fer með hlutafé ríkisins í félagi sem ætlað er að þróa og umbreyta varnarsvæði því á Keflavíkurflugvelli sem koma á í borgaraleg not. 2. gr. Reglugerð þessi, sem sett er samkvæmt 8. gr. laga nr. 73/1969 um Stjórnarráð Íslands, öðlast þegar gildi. Gjört í Reykjavík, 6. október 2006. Geir H. Haarde. | Sólveig Pétursdóttir. (L. S.) | Gunnlaugur Claessen. |
Geir H. Haarde. |