Á fundi bæjarráðs Ísafjarðarbæjar 15. júlí 2010 var samþykkt deiliskipulag í landi Atlastaða og Geirmundarstaða í Fljótavík, Ísafjarðarbæ. Þar eru skilgreindar fjórar lóðir undir frístundahús og virkjun Bæjarár. Deiliskipulagið er 55 ha að stærð og nær yfir þann hluta jarðanna sem byggðin er á. Deiliskipulagið felur jafnframt í sér endurskoðun á gildandi deiliskipulagi fyrir jörðina Geirmundarstaði í Fljótavík, samþykkt 20. nóvember 2008, sem fellur úr gildi við gildistöku þessa skipulags.
Deiliskipulagið hefur hlotið þá meðferð sem skipulags- og byggingarlög mæla fyrir um.
Skipulagið öðlast þegar gildi. Ísafirði, 20. desember 2010. Jóhann B. Helgason,
sviðsstjóri framkvæmda- og rekstrarsviðs. |