Samkvæmt 19. gr. skipulags- og byggingarlaga nr. 73/1997 hefur ráðherra þann 12. maí 2010 staðfest breytingu á aðalskipulagi Grundarfjarðar 2003-2015 frá 8. desember 2003. Breytingin felst í eftirfarandi: - Opið svæði til sérstakra nota suðvestan við skólasvæði og svæði fyrir spennistöð breytist í íbúðasvæði sem verður um 2 ha að stærð. Þar til að núverandi spennistöð víkur verður tenging íbúðasvæðisins um vegslóða sem liggur að vatnstanki bæjararins.
- Gert er ráð fyrir tjaldstæði á 0,3 ha opnu svæði til sérstakra nota milli íbúðasvæðisins og Gilóslækjar. Reiðstígur og göngustígur færist að hluta í samræmi við deiliskipulag.
Samkvæmt fyrirliggjandi gögnum hefur málsmeðferð verið í samræmi við skipulags- og byggingarlög nr. 73/1997 og Skipulagsstofnun gert tillögu til ráðherra um staðfestingu. Breytingin öðlast þegar gildi. Umhverfisráðuneytinu, 12. maí 2010. F. h. r. Magnús Jóhannesson. Sigríður Auður Arnardóttir. |