Sé munur á uppsetningu texta hér að neðan og í PDF skjali gildir PDF skjalið.  515/2011
Nr. 515/2011	18. maí 2011

7. gr.

　1 Upplýsingaveita

Upplýsingaveita sveitarfélaga er gagnagrunnur sem vistaður er hjá Hagstofu Íslands. Eignaraðilar að veitunni eru innanríkisráðuneytið, Hagstofa Íslands og Samband íslenskra sveitarfélaga. Upplýsingaveitan lýtur einum stjórnskipuðum fulltrúa hvers eignaraðila. Stjórn hefur yfirumsjón með veitunni, stýrir aðgangi og vinnslu upplýsinga úr grunninum.

Gögn í upplýsingaveitu eru fjárhagsupplýsingar sem safnað er frá öllum sveitarfélögum landsins með rafrænum hætti. Sveitarfélögum ber skylda til að afhenda gögn í því formi sem áskilið er hverju sinni.

Innanríkisráðuneytið hefur yfirumsjón með gagnaskilum og beitir viðurlögum ef út af bregður í samræmi við lög og reglugerðir. Hagstofa Íslands, sem vörsluaðili upplýsingaveitu, annast samskipti við sveitarfélögin vegna gagnaskilanna sjálfra, kannar innsend gögn og gerir athugasemdir ef þau eru ekki fullnægjandi.

Gagnaskil til upplýsingaveitu eru skilgreind í þessari auglýsingu. Kveðið er á um flokkun og greiningu skilaskyldra upplýsinga, form sendingarfærslna og atriði sem hver færsla verður að innihalda að lágmarki.

Hér verður farið yfir helstu atriði í færslu til gagnaveitu en nánari útlistun og lýsing á xml skjölum er að finna á heimasíðu Hagstofu Íslands, http://www.hagstofa.is og ber að líta á þær upplýsingar sem þar birtast sem hluti þessarar auglýsingar.

Í þessum hluta eru upplýsingar um sveitarfélagsnúmer, tengilið, tímasetningu sendingar auk eftirfarandi upplýsinga:

Hver sending inniheldur eina eða fleiri línur þar sem fram koma eftirtalin atriði:

Öll skil í upplýsingaveitu eru í formi færslna þar sem ein færsla er fyrir hverja samsetningu málaflokks, deildar og lykils. Gögn eiga að vera þannig úr garði gerð að unnt sé að ná fram öllum helstu stærðum ársuppgjörs. Sama framsetning lykils og og deilda gildir um öll skil nema 3ja ára áætlun þar sem ekki er krafist jafn mikillar sundurliðunar.

Rekstur

8. gr.

Rekstrareining er skilgreind svo í 1. gr. reglugerðar um bókhald og ársreikninga sveitarfélaga nr. 944/2000 með síðari breytingum: „Bókhaldslega aðskilinn starfsemisþáttur í sveitarfélagi, hvort sem um er að ræða fjárhagslega sjálfstæða einingu eða ekki.“ Hver bókhaldslega aðskilinn rekstrarþáttur, eins og t.d. leikskóli, grunnskóli o.s.frv., er því ein rekstrareining.

Sveitarfélag er ekki bundið því að flokka og greina bókhald sitt samkvæmt þeim númeralykli sem hér er tilgreindur, en skil í upplýsingaveitu verða að vera skilgreind með þessum hætti. Sveitarfélag getur einnig flokkað tekjur og gjöld, eignir og skuldir enn frekar í bókhaldi sínu en hér er tilgreint, en eftirfarandi flokkun og greining á tekjum og gjöldum, eignum og skuldum sveitarfélags er sú lágmarksflokkun og greining í rekstrareiningar sem sveitarfélag skal fylgja í bókhaldi sínu og reikningsskilum.

Undir þennan málaflokk falla allar tekjur sveitarfélagsins sem heyra undir ákvæði laga um tekjustofna sveitarfélaga, þ.e. útsvar, fasteignaskattur, framlög úr Jöfnunarsjóði sveitarfélaga og aðrar þær tekjur, sem eðli sínu samkvæmt geta talist skattar. Undir málaflokkinn falla einnig tekjur sveitarfélaga af lóðarleigu.

Tekjur skulu flokkast án tillits til þess hvort þær hafa verið innheimtar eða ekki. Þegar óvíst er um hvort tekjur innheimtist, þarf að gera ráð fyrir tapi. Óbein afskrift eða niðurfærsla á óinnheimtum skatttekjum í árslok flokkast til lækkunar á skatttekjum ársins.

Skatttekjur flokkast niður á eftirfarandi rekstrareiningar:

Hér flokkast skatttekjur, útsvar og fasteignaskattur, samkvæmt lögum um tekjustofna sveitarfélaga nr. 4/1995 með síðari breytingum. Skattar skulu sundurliðaðir á eftirfarandi hátt:

Hér flokkast öll framlög úr Jöfnunarsjóði sveitarfélaga, nema endurgreiðsla ríkissjóðs vegna húsaleigubóta sem flokkast á rekstrareininguna 02 18 Húsaleigubætur.

Hér flokkast öll framlög samkvæmt reglugerð nr. 906/2010, þ.e. tekjujöfnunarframlög, þjónustuframlög, grunnskólaframlög vegna skólaaksturs, mötuneyta, heimavista og gæslu barna úr dreifbýli, framlög til að greiða fyrir sameiningu sveitarfélaga og framlög til að greiða úr sérstökum fjárhagserfiðleikum sveitarfélaga. Þá eru hér færð framlög samkvæmt reglugerð nr. 351/2002 með síðari breytingum, þ.e. almenn grunnskólaframlög, framlög vegna sérþarfa fatlaðra nemenda og veikindaforfalla kennara, framlög vegna nýbúafræðslu og önnur framlög. Hér flokkast einnig fólksfækkunarframlög og framlög til jöfnunar tekjutaps vegna lækkunar tekna af fasteignaskatti skv. reglugerð nr. 80/2001 með síðari breytingum.

Framlög vegna yfirfærslu fatlaðra færast einnig hér.

Hér flokkast aðrar tekjur sem í eðli sínu eru skatttekjur en falla ekki undir lög um tekjustofna sveitarfélaga. Hér flokkast lóðarleiga af lóðum í þéttbýli sveitarfélaga. Sundurliða skal þessar tekjur með eftirfarandi hætti:

　02 Félagsþjónusta

Á málaflokkinn flokkast og greinist allur kostnaður við félagsþjónustu sveitarfélaga, sbr. lög um félagsþjónustu sveitarfélaga nr. 40/1991 með síðari breytingum, lög um málefni aldraðra nr. 125/1999 með síðari breytingum, lög um málefni fatlaðra nr. 59/1992 með síðari breytingum og barnaverndarlög nr. 80/2001 með síðari breytingum.

Þannig flokkast hér kostnaður við félagslega ráðgjöf, fjárhagsaðstoð, félagslega heimaþjónusta og vernd barna og ungmenna. Þá er einnig færður hér kostnaður vegna þjónustu við aldraða, þ.m.t. heimaþjónustu aldraðra, þjónustu við fatlaða og fleira þ.h.

Lögbundin framlög flokkast hér, svo og allur annar kostnaður er flokkast undir félagsþjónustu, t.d. kostnaður vegna jafnréttismála og vímugjafavarna. Þó flokkast útgjöld og tekjur vegna leikskóla og dagvistar barna á málaflokk 04 Fræðslu- og uppeldismál. Leikvellir flokkast á málaflokk 06 Æskulýðs- og íþróttamál, en gæsluvellir á 04 Fræðslu- og uppeldismál.

Afföll húsbréfa flokkast undir málaflokkinn.

Greina skal kostnað á eftirfarandi rekstrareiningar:

Hér flokkast rekstrarkostnaður félagsmálastofnunar, laun félagsmálastjóra og rekstrarkostnaður þess embættis svo og kostnaður vegna félagsmálanefndar og annar kostnaður sem ekki verður flokkaður annars staðar. Kostnaður vegna annarra nefnda um félagsþjónustu sem hafa afmarkað verksvið flokkast á viðkomandi rekstrareiningar.

Hér flokkast afföll húsbréfa.

Hér flokkast kostnaður vegna fjárhagsaðstoðar og annar kostnaður vegna félagslegrar samhjálpar. Hér flokkast útgjöld vegna félagslegrar heimaþjónustu, en heimaþjónusta aldraðra og heimaþjónusta fatlaðra flokkast á viðkomandi rekstrareiningar. Kostnaður vegna vistunar eða fósturs barna og ungmenna flokkast ekki hér heldur á 02 3 Þjónusta við börn og unglinga. Þá flokkast hér útgjöld vegna húsaleigubóta skv. lögum um húsaleigubætur nr. 138/1997 með síðari breytingum og endurgreiðsla ríkissjóðs á hluta húsaleigubóta. Flokka skal og greina útgjöld og tekjur niður á eftirfarandi rekstrareiningar:

Hér flokkast og greinist allur kostnaður vegna barnaverndarnefndar og ráðstafana barnaverndaryfirvalda, þ.e. kostnaður vegna vistunar og fósturs barna og ungmenna utan heimilis, skipunar tilsjónarmanna með heimilum o.s.frv., sbr. barnaverndarlög nr. 80/2001 með síðari breytingum og lög um félagsþjónustu sveitarfélaga nr. 40/1991 með síðari breytingum.

Hér flokkast útgjöld samkvæmt ákvæðum laga um málefni aldraðra nr. 125/1999 með síðari breytingum og laga um félagsþjónustu sveitarfélaga nr. 40/1991 með síðari breytingum, þ.e. heimaþjónustu við aldraða og tómstundastarfs aldraðra. Hér eru einnig flokkuð óafturkræf framlög til byggingar eða rekstrar dvalarheimila og íbúða fyrir aldraða.

Hér flokkast kostnaður vegna málefna fatlaðs fólks. Ef þjónustustofnun tilheyrandi verkefninu er rekin sem sjálfstæð rekstrareining flokkast hún meðal B-hluta fyrirtækja.

Hér skal m.a. flokka og greina kostnað af aðstoð við áfengissjúka og vímugjafavarnir samkvæmt XIII. kafla laga um félagsþjónustu sveitarfélaga nr. 40/1991 og kostnað af jafnréttismálum, sbr. lög um jafna stöðu og jafnan rétt kvenna og karla nr. 10/2008 með síðari breytingum.

Hér eru flokkuð lögbundin framlög s.s. vegna orlofs húsmæðra.

Hér flokkast styrkir til félaga og samtaka sem hafa lýðhjálp hvers konar á stefnuskrá sinni, t.d mæðrastyrksnefnd, S.Á.Á. og fleira þ.h.

　03 Heilbrigðismál

　04 Fræðslu- og uppeldismál

Hér flokkast allur kostnaður við fræðslustarfsemi sveitarfélagsins, þar með talinn leikskóla- og dagvistarkostnaður. Hér flokkast allur kostnaður við rekstur skólaskrifstofu, leikskólaskrifstofu, skrifstofu fræðslustjóra, grunnskóla, skóladagheimila, leikskóla, svo og kostnaður við tónlistarfræðslu og aðra fræðslustarfsemi. Hér flokkast einnig kostnaður vegna umferðarskólans „Ungir vegfarendur“. Kostnaður við rekstur vinnuskóla flokkast á málaflokk 06 Æskulýðs- og íþróttamál.

Kostnað og tekjur skal flokka og greina á eftirfarandi rekstrareiningar:

Hér færist allur sameiginlegur kostnaður vegna málaflokksins, s.s. kostnaður vegna leikskólanefndar, dagvistarskrifstofu og leikskólafulltrúa og fleira þ.h, rekstur skólaskrifstofu og aðrir sameiginlegir liðir sem ekki verða flokkaðir annars staðar.

Hér skal flokka allan kostnað og tekjur af rekstri leikskóla og dagvistarstofnana sveitarfélaga og framlög til rekstrar dagsvistarstofnana annarra aðila. Hér flokkast einnig kostnaður vegna dagvistunar í heimahúsum (dagmæður) og rekstur gæsluvalla. Sundurliða skal kostnað á rekstrareiningar með eftirfarandi hætti:

Hér skal flokka allan rekstrarkostnað við rekstur grunnskóla, sbr. lög um grunnskóla nr. 91/2008 með síðari breytingum, þ.m.t. kostnað við skólanefnd sem flokkast á sameiginlega liði og skólaakstur sem flokkast á hvern skóla fyrir sig. Öll framlög úr Jöfnunarsjóði sveitarfélaga vegna rekstrar grunnskóla eru færð á 00 1 Framlög úr jöfnunarsjóði. Greina skal og sundurliða kostnað á eftirfarandi rekstrareiningar:

Stofnkostnaður eða afskrift stofnkostnaðar vegna bygginga og búnaðar framhaldsskóla og heimavista við þá flokkast hér. Þá flokkast hér einnig ferðastyrkir til nemenda í framhaldsskólum.

Hér flokkast ýmiss kostnaður við aðra fræðslustarfsemi sveitarfélags eða framlög til hennar. Flokkun er eftirfarandi:

Hér flokkast ýmsir styrkir og framlög sem teljast til fræðslu- og uppeldismála, en verða ekki flokkaðir með öðrum rekstrareiningum.

　05 Menningarmál

Á málaflokkinn flokkast allur kostnaður og framlög sveitarfélags vegna menningarmála, svo sem safna, menningarhúsa, söguritunar, hátíðarhalda og fleira þ.h. Þá flokkast hér framlög til kirkjubygginga.

Sundurliða skal menningarmál á eftirfarandi rekstrareiningar:

Hér flokkast kostnaður vegna menningarmálanefndar, menningarfulltrúa og annar sameiginlegur kostnaður vegna menningarmála.

Hér flokkast rekstur bókasafna annarra en skólabókasafna, en þau falla undir rekstur skóla á málaflokki 04 Fræðslu- og uppeldismál. Hér flokkast einnig framlög til héraðsbókasafna og byggðasamlaga um bókasöfn. Kostnaður við bókakaup flokkast til gjalda hér.

Þegar um sameiginlegt skólabókasafn og almenningsbókasafn er að ræða, skal leggja mat á það hvor þátturinn í starfsemi safnsins er viðameiri. Ef skólabókasafnsþátturinn er stærri skal flokka rekstrarkostnað safnsins á viðkomandi skóla.

Bygging og rekstur húsnæðis er verkefni eignasjóðs, sem gerir reikning fyrir þeim húsnæðiskostnaði sem rekstrareiningunni ber að standa undir.

Hér skal flokka kostnað við rekstur skjalasafna, minjasafna margs konar, náttúrugripasafna og annarra safna, sem rekin eru af sveitarfélögum eða byggðasamlögum sveitarfélaga.

Hér flokkast kostnaður sveitarfélags við ritun og skráningu á sögu sveitarfélagsins eða öðrum sagnfræði- og menningarsögulegum fróðleik. Hér flokkast einnig kostnaður af örnefnaskráningu og fornleifarannsóknum, sem ekki eru gerðar í sambandi við skipulagsáætlanagerð.

Hér flokkast kostnaður vegna listsýninga hvers konar, listaverkakaupa, rekstur listasafna, leikhúsa og tónlistarhúsa. Hér flokkast einnig kostnaður sveitarfélags af bæjarlistamanni.

Hér flokkast kostnaður við rekstur menningarhúsa og félagsheimila, ef rekstur þeirra fellur að mestu leyti undir menningarmál.

Hér flokkast kostnaður vegna hátíðarhalda, svo sem þjóðhátíðar 17. júní, afmælishátíðar sveitarfélags, sumar- og Jónsmessuhátíðar, kostnaður við áramóta- og þrettándabrennur og annarra hátíða á vegum sveitarfélags.

Hér flokkast styrkir til félaga og samtaka sem hafa menningarmál á stefnuskrá sinni svo sem leikfélög, tónlistarfélög, lista- og menningarsjóðir og kórar. Hér flokkast einnig framlag til kirkjubygginga. Kostnaður sveitarfélags vegna kirkjugarðs flokkast á rekstrareininguna 11 2 Almenningsgarðar.

　06 Æskulýðs- og íþróttamál

Hér flokkast kostnaður við tómstundastarf barna og unglinga, rekstur félagsmiðstöðva og æskulýðsheimila, íþróttasvæða, íþróttahúsa og sundlauga, skautahalla og fleira þ.h. Styrkir til æskulýðs- og íþróttafélaga flokkast einnig hér. Hér flokkast jafnframt kostnaður við vinnuskóla, leikvelli og sparkvelli.

Flokka skal starfsemi sem fellur undir málaflokkinn á eftirfarandi rekstrareiningar:

Hér flokkast kostnaður vegna æskulýðs- og íþróttanefnda, laun og rekstrarkostnaður vegna æskulýðs- og íþróttafulltrúa og annar sameiginlegur kostnaður málaflokksins.

Hér flokkast kostnaður við leikvelli og sparkvelli. Útgjöld og tekjur vegna gæsluvalla flokkast aftur á móti á rekstrareininguna 04 18 Gæsluvellir.

Hér flokkast kostnaður vegna tómstundastarfs barna og unglinga, svo sem ýmis konar sumarnámskeið og skólagarðar. Þá flokkast hér einnig kostnaður við vinnuskóla unglinga, en kostnaði er dreift út á aðra málaflokka og rekstrareiningar með þjónustureikningi. Greina skal kostnað á eftirfarandi hátt:

Hér flokkast rekstrarkostnaður æskulýðsheimila og félagsmiðstöðva.

Hér flokkast kostnaður við rekstur íþróttahúsa og sundlauga, hvort sem þau teljast til skólamannvirkja eða ekki. Greina skal kostnað á eftirfarandi rekstrareiningar:

Hér flokkast rekstur íþróttasvæða, svo sem íþrótta- og boltavalla, golfvalla og skíðasvæða.

Hér eru færðir styrkir til félaga og samtaka sem hafa æskulýðs- og íþróttamál á stefnuskrá sinni.

　07 Brunamál og almannavarnir

Hér flokkast allur rekstrarkostnaður vegna bruna- og almannavarna hjá sveitarfélaginu. Rekstur slökkvistöðvar eða þátttaka í slíkum kostnaði með öðrum sveitarfélögum flokkast á þennan málaflokk, svo og útlagður kostnaður vegna náttúruhamfara og kostnaðarhlutdeild sveitarfélaga í snjóflóðavörnum og sjóvörnum.

Sundurliða skal kostnað á eftirfarandi rekstrareiningar:

Hér flokkast rekstrarkostnaður slökkviliðs og slökkvibíla svo og eldvarnaeftirlit, slökkvitækjaþjónusta, brunahanar og fleira þ.h.

Hér flokkast kostnaður af almannavörnum, svo sem kostnaður vegna náttúruhamfara og rekstur og fjárfestingar vegna stjórnstöðvar almannavarna. Hér flokkast einnig kostnaðarhlutur sveitarfélags í snjóflóðavörnum og vörnum gegn skriðuföllum, sbr. ákvæði laga nr. 49/1997 um varnir gegn snjóflóðum og skriðuföllum með síðari breytingum, og kostnaðarhlutur sveitarfélags í sjóvarnagörðum, sbr. ákvæði laga nr. 28/1997 um sjóvarnir með síðari breytingum. Þá flokkast hér einnig kostnaður sveitarfélags vegna jarðskjálftavarna.

Hér flokkast stofnkostnaður eða afskrift stofnkostnaðar sveitarfélaga við snjóflóða- og skriðufallavarnir, sbr. 13. gr. laga nr. 49/1997 um varnir gegn snjóflóðum og skriðuföllum með síðari breytingum. Einnig stofnkostnaður eða afskrift stofnkostnaðar sveitarfélaga við sjóvarnir, skv. 7. gr. laga nr. 28/1997 um sjóvarnir með síðari breytingum.

Hér flokkast styrkir til félaga og samtaka sem hafa slysavarnir og hjálparstörf á stefnuskrá sinni.

　08 Hreinlætismál

Hér flokkast ýmiss konar sameiginlegur kostnaður við hreinlætismál, sem ekki verður flokkaður eða greindur á aðrar rekstrareiningar.

Hér flokkast tekjur og gjöld vegna sorpeyðingar og sorphreinsunar.

Sveitarfélögum er heimilt að fella þennan kostnað undir B-hluta sveitarfélagsins þar sem þessi þjónustueining hefur heimild til innheimtu þjónustugjalda til þess að standa undir útgjöldum við rekstur og fjárfestingar.

Hér flokkast tekjur og kostnaður við dýraeftirlit í þéttbýlissveitarfélögum, svo sem vegna katta- og hundahalds. Hér flokkast kostnaður við meindýraeyðingu, svo sem eitrun fyrir rottur og vargfugladráp. Minka- og refaeyðing flokkast á rekstrareininguna 11 7 Minka- og refaeyðing.

　09 Skipulags- og byggingarmál

Hér flokkast kostnaður vegna byggingarnefndar, skipulagsnefndar og rekstur skrifstofu byggingarfulltrúa, tæknifræðings, verkfræðings, skipulagsskrifstofu og lóðaskráningar. Hér flokkast einnig kostnaður við landmælingar, kortagerð, bæja- og húsakannanir, sbr. skipulagslög nr. 123/2010 með síðari breytingum og lög um mannvirki nr. 160/2010, og fornleifaskráningu í tengslum við skipulagsáætlanir, skv. 2. mgr. 11. gr. þjóðminjalaga nr. 107/2001.

Þá flokkast hér allur kostnaður við gerð skipulagsáætlana, þ.e. vegna svæðisskipulags, aðalskipulags og deiliskipulags. Hlutdeild sveitarfélags í skipulagsgjaldi vegna vinnu við gerð svæðis- og aðalskipulags skal flokka á málaflokkinn sem tekjur á viðkomandi rekstrareiningar.

Byggingarleyfis- og úttektargjöld flokkast sem tekjur á þennan málaflokk á móti kostnaði við byggingareftirlit.

Greina skal starfsemisþættina á eftirfarandi rekstrareiningar:

Hér flokkast ýmis sameiginlegur kostnaður við málaflokkinn, svo sem skrifstofa verkfræðings eða tæknifræðings (tæknideild) sem sér um verkefni sem falla undir málaflokkinn.

Hér flokkast kostnaður vegna landmælinga, loftmynda og kortagerðar. Einnig kostnaður við fornleifaskráningu í tengslum við skipulagsgerð, sbr. 2. mgr. 11. gr. þjóðminjalaga nr. 107/2001, og kostnaður við gerð bæja- og húsakönnunar, sbr. skipulagslög nr. 123/2010 með síðari breytingum og lög um mannvirki nr. 160/2010.

Hér flokkast kostnaður við gerð svæðisskipulags, aðalskipulags, deiliskipulags og annar kostnaður vegna skipulags, svo sem kaup á eignum sem eru fyrir í skipulagi.

Einnig kostnaður vegna byggingarnefndar, byggingarfulltrúaembættis og byggingareftirlits. Byggingaleyfis- og úttektargjöld, sbr. skipulagslög nr. 123/2010 með síðari breytingum og lög um mannvirki nr. 160/2010, skal flokka hér sem tekjur á móti kostnaði við byggingareftirlit á tegundagreininguna 02 Þjónustugjöld.

Samkvæmt leiðbeiningum reikningsskila- og upplýsinganefndar um bókhald og reikningsskil sveitarfélaga skulu kaup á byggingarlandi eignfærð og skal miða við að kostnaðurinn sé gjaldfærður á 25 árum. Gjaldfærslan skal færast meðal afskrifta í eignasjóði. Eignarhald skal vera í eignasjóði eða annarri A-hluta stofnun sem leigir landið til aðalsjóðs. Leigan samanstendur af ofangreindri gjaldfærslu og fjármagnskostnaði auk umsýslukostnaðar og skal flokka og greina leiguna hér. Heimilt verður að færa til eignar í eignasjóðum land það sem hefur verið keypt undanfarin ár sem byggingarland og fer með það eins og aðrar eignir sem færast til eignasjóðs. Annað land sem er í eigu sveitarfélags skal ekki eignfært.

Hér flokkast ýmsir styrkir og framlög vegna skipulagsmála og mannvirkjamála, sem ekki verða færðir á aðrar rekstrareiningar málaflokksins.

　10 Umferðar- og samgöngumál

Hér flokkast kostnaður vegna gatnakerfis og umferðarmála. Hér má nefna viðhald og rekstur gatna, götulýsingu, umferðar- og gatnamerkingar, gangstíga og gangbrautir, reiðvegi, snjómokstur og hálkueyðingu.

Flokka skal og greina tekjur og útgjöld á eftirfarandi rekstrareiningar:

Hér flokkast ýmis sameiginlegur kostnaður málaflokksins, eins og t.d. kostnaður við umferðarnefnd og hér er einnig færður verkfræðilegur undirbúningur, sem ekki verður heimfærður á einstök verk eða einstakar rekstrareiningar.

Hér flokkast allur kostnaður vegna viðhalds gatnakerfis og sá hluti endurgreiðslu Vegagerðarinnar vegna veghalds í þéttbýli sem tilheyrir viðhaldi gatnakerfis flokkast hér sem tekjur.

Hér flokkast kostnaður við gerð þessara þátta, viðhald þeirra og rekstur.

Hér flokkast kostnaður við umferðarmerkingar, umferðarljós, götunöfn og húsnúmer svo og götulýsingu. Einnig kostnaður við umferðarnefnd, ef kostnaður við hana er ekki færður á sameiginlegan kostnað málaflokksins. Þá flokkast sem tekjur á rekstrareininguna sá hluti endurgreiðslu Vegagerðarinnar sem er vegna veghalds í þéttbýli.

Hér flokkast allur kostnaður við snjómokstur og hálkueyðingu og sá hluti endurgreiðslu Vegagerðarinnar sem er vegna veghalds í þéttbýli sem tengist snjómokstri og hálkueyðingu.

Hér skal m.a. flokka framlög sveitarfélags til almenningssamgangna og rekstrarframlög til almenningssamgangnafyrirtækis í B-hluta sveitarfélagsins.

　11 Umhverfismál

Hér flokkast kostnaður vegna, Staðardagskrár 21, garðyrkjudeildar og annar sameiginlegur kostnaður vegna umhverfismála. Af viðfangsefnum sem flokkast á málaflokkinn má nefna almenningsgarða, útivistarsvæði önnur en íþróttasvæði, opin svæði, torg og umhverfi gatna, þ.m.t. hreinsun gatna og lóða. Hér flokkast einnig kostnaður við refa- og minkaeyðingu. Þá flokkast hér einnig kostnaður vegna útiskreytinga um jól og áramót svo og vegna annarra hátíðaskreytinga. Á málaflokkinn flokkast styrkir og framlög til félaga og samtaka sem sinna umhverfismálum, svo sem skógræktarfélaga, landgræðslufélaga og fleira þ.h.

Greina skal starfsemisþætti á eftirfarandi rekstrareiningar:

Hér flokkast kostnaður vegna umhverfisnefndar og rekstur embættis garðyrkjustjóra/umhverfisstjóra. Þá flokkast hér kostnaður og framlög vegna umhverfisrannsókna og verkefnisins Staðardagskrá 21.

Hér flokkast rekstur skrúðgarða og annarra almenningsgarða, svo og framlög sveitarfélags til kirkjugarðs og framkvæmda við hann, sbr. IV. kafla laga nr. 36/1993 um kirkjugarða, greftrun og líkbrennslu með síðari breytingum.

Hér flokkast kostnaður vegna útivistarsvæða sem ekki falla undir íþróttasvæði, svo sem fólkvangar, friðlönd og skógræktargirðingar.

Hér flokkast kostnaður vegna opinna svæða sem ekki eru skipulögð sem útivistarsvæði, svo sem hreinsun opinna svæða, kostnaður við garðlönd og girðingu þéttbýlis og fleira þ.h.

Hér flokkast kostnaður vegna umhirðu gatna, götueyja og grænna svæða umhverfis götur eða torg, götusópun og fleira þ.h.

Hér flokkast kostnaður vegna skreytinga t.d. um jól og áramót.

Hér flokkast kostnaður sveitarfélags af minka- og refaeyðingu. Greiðsla veiðistjóraembættisins flokkast á móti kostnaði sem tekjur á tegundagreininguna 089 Endurgreiðslur annarra.

Hér flokkast ýmsir styrkir og framlög til aðila sem sinna umhverfismálum.

　13 Atvinnumál

Hér flokkast ýmis kostnaður vegna atvinnumála í sveitarfélaginu. Sem dæmi má nefna fjallskil, sauðfjárveikivarnir og styrki sem beinlínis eru vegna atvinnuuppbyggingar. Einnig flokkast hér kostnaðar við uppbyggingu ferðamannaþjónustu í sveitarfélaginu, t.d. kostnaður við uppbyggingu og rekstur tjaldsvæða og almenningssalerna.

Greina skal kostnað á eftirfarandi rekstrareiningar:

Hér flokkast kostnaður við nefndarstörf eða önnur útgjöld sem varða málaflokkinn í heild. Sem dæmi má nefna kostnað vegna átaks í atvinnumálum og kostnað vegna atvinnuþróunar.

Hér flokkast kostnaður við fjallskil, þ.m.t. fjallskilanefnd, fjárveikivarnir og afréttargirðingar. Þá flokkast hér tekjur af leyfisgjöldum vegna búfjárhalds í þeim sveitarfélögum þar sem búfjárhald er óheimilt án leyfis, sbr. lög um búfjárhald nr. 103/2002 með síðari breytingum.

Hér flokkast kostnaður og framlög sveitarfélags vegna iðnaðar.

Hér flokkast kostnaður og framlög sveitarfélags vegna fiskeldis og útgerðar.

Hér flokkast kostnaður sveitarfélagsins við uppbyggingu á ferðamannaþjónustu svo sem rekstur tjaldsvæða og almenningssalerna, upplýsingamiðstöðvar fyrir ferðamenn og kostnaður við embætti ferðamálafulltrúa.

　20 Framlög til B-hluta fyrirtækja

Hér færast framlög úr aðalsjóði til B-hluta fyrirtækja sveitarfélagsins. Þau eru greidd þegar viðkomandi B-hluta fyrirtæki er rekið með halla og þarf framlög úr aðalsjóði til að reksturinn standi undir sér.

　21 Sameiginlegur kostnaður

Samkvæmt 5. gr. reglugerðar um bókhald og ársreikninga sveitarfélaga nr. 944/2000 með síðari breytingum skal sameiginlegur rekstrarkostnaður aðalsjóðs, þ.e. kostnaður sem ekki telst til beins rekstrarkostnaðar einstakra rekstrareininga aðalsjóðs, færður á þennan málaflokk. Til frádráttar skal flokka á málaflokkinn reikninga sem gerðir eru vegna hlutdeildar rekstrareininga með sjálfstætt reikningshald, þ.e. rekstrareininga utan aðalsjóðs, í sameiginlegum rekstrarkostnaði. Í reglugerðinni segir að reikningar þessir skuli ekki vera hærri en sem nemur kostnaðarverði og skulu þeir færðir í bókhaldi viðkomandi rekstrareiningar með reglubundnum hætti innan reikningsársins.

Ef um er að ræða þátttöku eigin fyrirtækja og stofnana í stjórnunarkostnaði, er hlutdeild þeirra færð til frádráttar á rekstrarkostnaði skrifstofu sveitarfélagsins.

Á þennan málaflokk er flokkaður allur kostnaður við sameiginlega yfirstjórn sveitarfélagsins, svo sem sveitarstjórn, endurskoðun, rekstur skrifstofa og ráðhúss, samstarf sveitarfélaga og kosningar. Hér flokkast einnig kostnaður við nefndir sem ekki verða heimfærðar undir aðra málaflokka og kostnaður við sameiningu sveitarfélaga. Jafnframt kostnaður við móttöku gesta, risnu og kynningarmál, sem ekki verður greindur á aðra málaflokka.

Flokka skal og greina málaflokkinn á eftirfarandi hátt:

Hér flokkast sameiginlegur kostnaður við yfirstjórn sveitarfélagsins, s.s. kostnaður við sveitarstjórn, þ.e. þóknun fyrir setu í sveitarstjórn, ferðakostnaður vegna sveitarstjórnarfunda og önnur útgjöld sem beint tengjast sveitarstjórninni, svo sem vegna byggðarráðs. Þá flokkast hér einnig kostnaður vegna ráðstefna og funda sem sveitarstjórnarmenn sækja á vegum sveitarfélagsins, þ.e. kostnaður vegna ferða, uppihalds og þátttökugjalda. Hér flokkast einnig kostnaður af nefndum, sem kosnar eru af sveitarstjórn til ákveðinna verkefna en ekki falla undir ákveðna málaflokka innan sveitarfélagsins.

Hér flokkast kostnaður vegna sveitarstjórnarkosninga, Alþingiskosninga, forsetakosninga og annarra kosninga eða skoðanakannana sem fram fara á vegum sveitarfélagsins.

Greina skal kostnað á eftirfarandi rekstrareiningar:

Hér flokkast útgjöld vegna sameiningar sveitarfélaga. Hér flokkast allur kostnaður við sameiningarnefnd, ráðgjöf og kynningarmál og einnig kostnaður við atkvæðagreiðslur um sameiningartillögu.

Hér flokkast innri leiga frá eignasjóði vegna húsnæðis sem ekki er notað og stendur því autt. Dæmi um slíkt gæti verið skólahúsnæði sem stendur autt í kjölfar sameiningar skóla eða vegna samrekstrar skóla. Eðlilegt er að eignasjóður innheimti leigu af aðalsjóði vegna viðkomandi húsnæðis, enda er ekki ætlast til að eignasjóður beri kostnað af slíku húsnæði.

Hér flokkast allur rekstrarkostnaður vegna skrifstofa sveitarfélagsins og framkvæmdastjórnar þess. Reiknuð hlutdeild eigin fyrirtækja og stofnana í stjórnunarkostnaði flokkast hér til frádráttar rekstrarkostnaði. Laun oddvita, þar sem ekki er ráðinn sérstakur framkvæmdastjóri, flokkast hér.

Þá er hér færður kostnaður við endurskoðun og ársuppgjör sveitarfélagsins og kostnaður vegna kjörinna skoðunarmanna þess.

Hér flokkast allur kostnaður við móttökur gesta og risnu, sem ekki verður heimfærður upp á aðra málaflokka og deildir. Þá er hér færður kostnaður við kynningarmál, upplýsingavef (heimasíðu) og fréttabréf.

Hér flokkast t.d. kostnaður við kjarasamningagerð og framlög til launanefndar sveitarfélaga.

Hér flokkast allur kostnaður vegna samstarfs við önnur sveitarfélög svo sem vegna þátttöku í landshlutasamtökum og héraðsnefndum. Framlag til héraðsnefndar skal sundurliða og flokka á viðkomandi málaflokka og rekstrareiningar og flokkast því hér eingöngu kostnaður við stjórn héraðsnefndarinnar og annar héraðsnefndarkostnaður sem ekki verður sundurliðaður á aðra málaflokka og rekstrareiningar. Rekstrarframlög sveitarfélags til byggðasamlags flokkast á viðkomandi málaflokk. Þá flokkast hér kostnaður af vinabæjasamskiptum, sem ekki flokkast á aðra málaflokka eða rekstrareiningar.

Hér flokkast ýmsir styrkir og framlög sem ekki verða heimfærðir á aðra málaflokka eða rekstrareiningar.

　22 Breyting lífeyrisskuldbindinga

Hér flokkast breyting lífeyrisskuldbindinga ársins.

　27 Óreglulegir liðir

Útgjöld eða tekjur sveitarfélaga sem ekki falla undir venjulegan rekstur þeirra skal sýna sem óreglulega liði, enda hafi þau veruleg áhrif á afkomu sveitarfélags og skekki samanburð milli ára og milli sveitarfélaga. Dæmi um óvenjulega liði má nefna verulegan hagnað/tap af sölu hlutabréfa í fyrirtækjum sem ekki tengjast beint starfsemi sveitarfélags og verulegan hagnað/tap af sölu varanlegra rekstrarfjármuna, enda sé um að ræða varanlega rekstrarfjármuni sem óvenjulegt er að sveitarfélagið selji.

　28 Fjármunatekjur og fjármagnsgjöld

Fjármagnsliðir eru ekki deildagreindir heldur færast allir á eina deild.

　29 Efnahagsreikningur aðalsjóðs

Efnahagsreikningur er ekki deildagreindur í rafrænum skilum. Allar færslur færast á deild 2900.

9. gr.

　3 A-Hluta stofnanir

Til A-hluta stofnana teljast eignasjóður og aðrar rekstrareiningar sem sveitarfélag kýs að reka sjálfstætt og falla undir lagalega skilgreiningu þess að geta talist til A-hluta. Greining skal vera á eftirfarandi rekstrareiningar:

　31 Eignasjóður

Hér flokkast eignasjóður og þjónustumiðstöð.

　32 Eignasjóður – efnahagur

Efnahagsreikningur er ekki deildagreindur í rafrænum skilum. Allar færslur færast á deild 3200.

　59 Aðrar A-hluta stofnanir

Hér flokkast aðrar A-hluta stofnanir.

　60 Aðrar A-hluta stofnanir - efnahagur

Efnahagsreikningur er ekki deildagreindur í rafrænum skilum. Allar færslur færast á deild 6000.

10. gr.

　4 B-hluta fyrirtæki

Sú meginregla gildir að til B-hluta flokkast þær rekstrareiningar (þjónustueiningar) sem reknar eru sem fjárhagslega sjálfstæðar einingar og hafa lagaheimild til innheimtu þjónustugjalda til þess að standa að fullu undir útgjöldum sínum. Í undantekningartilvikum getur verið rétt að flokka rekstrareiningar milli B- og A-hluta þegar um óverulega starfsemi og litla fjárbindingu í rekstrareiningunni er að ræða.

Í reglugerð um bókhald og ársreikninga sveitarfélaga nr. 944/2000 segir í 6. gr.:

Stofnanir og fyrirtæki sveitarfélaga sem teljast til B-hluta skulu haga bókhaldi sínu á skýran og aðgengilegan hátt og reikningsskil þeirra skulu gefa glögga mynd af rekstri þeirra og efnahag. Rekstrareiningar í B-hluta skulu fara eftir ákvæðum laga nr. 145/1994 um bókhald með síðari breytingum og laga nr. 3/2006 um ársreikninga með síðari breytingum.

Rekstrarframlög aðalsjóðs sveitarfélaga til rekstrareininga í B-hluta skal flokka á málaflokk 20 innan aðalsjóðs.

Rekstrareiningar sveitarfélaga sem teljast til B-hluta eru m.a. hafnarsjóður, vatnsveita, rafveita, hitaveita, fráveita, sorphirða og sorpeyðing, íbúðarhúsnæði – leiguhúsnæði, almenningssamgöngur, bílastæðasjóður og félagslegar þjónustustofnanir.

Flokka skal og greina rekstur á eftirfarandi rekstrareiningar:

11. gr.

　5 GFS flokkun tekna og gjalda

Greining tekna og gjalda fyrir upplýsingagrunn byggir á GFS staðli (Government Finance Statistics). Greiningin skiptist í eftirfarandi flokka:

Hér á eftir verður nánar fjallað um hvern flokk fyrir sig.

　0 Tekjur

Tekjur greinast þannig:

Hér flokkast álagningartekjur útsvars (staðgreiðsla) og fasteignaskatts ásamt breytingum á þeim innan ársins. Einnig niðurfærsla og afskriftir sömu tekna. Lækkun álagningar samkvæmt ákvörðun sveitarstjórnar til elli- og/eða örorkulífeyrisþega færist ekki hér heldur meðal gjalda í flokki 4.

Skatttekjur greinast á þessar tegundir:

Hér flokkast framlög Jöfnunarsjóðs önnur en endurgreiðsla húsaleigubóta. Ekki er gerð krafa um greiningu þeirra eftir tegundum framlaga heldur flokkast þau öll á eina tegund:

Hér flokkast allar tekjur af álögðum þjónustugjöldum, svo sem fasteignagjöld önnur en fasteignaskattur, leikskólagjöld, ýmiss konar leyfis- og eftirlitsgjöld og aðrar tekjur sem innheimtar eru samkvæmt gjaldskrá eða ákvörðun sveitarstjórnar.

Hér flokkast allar tekjur frá þriðja aðila af eignum sveitarfélagsins, stofnana og fyrirtækja svo sem húsaleiga, véla- og áhaldaleiga, landleiga og aðrar tekjur af eignarekstri. Innri tekjur, þ.e. viðskipti milli rekstrareininga flokkast á 05.

Hér flokkast tekjur með skattaígildi s.s. lóðarleiga og byggingaréttur.

Hér flokkast allar tekjur sem bókaðar eru vegna milliviðskipta rekstrareininga, s.s. innri leiga, reiknuð hlutdeild í rekstrarkostnaði eða afnotum, millifærð vinna þjónustumiðstöðvar o.s.frv. Ekki er gert ráð fyrir greiningu tekna eftir uppruna heldur eru þær allar færðar á eina greiningu:

Hér flokkast allar endurgreiðslur og tilfærslur frá aðilum utan sveitarfélagsins. Flokka og greina skal endurgreiðslur og tilfærslur á eftirfarandi hátt:

Hér flokkast aðrar tekjur af rekstri sveitarfélaga eða fyrirtækja þeirra sem ekki hafa verið flokkaðar hér að framan. Stærstu liðirnir í þessum flokki er sala á vöru og vinnu til þriðja aðila og styrkir og framlög frá félögum, samtökum, fyrirtækjum eða einstaklingum.

　1 Laun og launatengd gjöld

Hér flokkast öll laun, launatengd gjöld, launaígildi og annar starfsmannatengdur kostnaður. Greina skal laun og launatengd gjöld á eftirfarandi undirtegundir:

Hér flokkast allar tegundir launa eða þóknana, greidd eða ógreidd, sem launþegi fær fyrir starf sem hann innir af hendi á ábyrgð sveitarfélags eða fyrirtækja þess. Til vinnulauna teljast ákvæðislaun, biðlaun, nefndarlaun, eftirlaun, launabætur, staðaruppbætur, orlofsfé og greiðslur fyrir ótekið orlof. Ennfremur verkfæragjald eða verkfærapeningar, fatapeningar, flutningspeningar eða greiðsla fargjalda milli heimilis og vinnustaðar, hvort sem framangreindar greiðslur eru reiknaðar sem hundraðshluti launa eða á annan hátt, styrkir til líkamsræktar, risnufé og stjórnar- og endurskoðunarlaun kjörinna manna. Laun flokkast öll á eina greiningu:

Hér flokkast áfallið orlof og annar áfallinn launakostnaður sem kann að hafa fallið til t.d. vegna kjarasamninga. Áfallinn launakostnaður flokkast þannig:

Hér flokkast hlunnindi sem sveitarfélagi eða fyrirtækjum þess ber að standa skil á skv. kjarasamningum eða ráðningarsamningum.

Hér flokkast öll launatengd gjöld, svo sem tryggingagjald, framlag í lífeyrissjóð, félagsgjöld og önnur lögboðin álög á launagreiðslur. Flokka skal launatengd gjöld á eftirfarandi hátt:

Hér flokkast annar starfsmannatengdur kostnaður sem ekki verður heimfærður á ofangreinda flokkun.

　2 Breyting lífeyrisskuldbindinga

Hér færist breyting ársins.

　3 Annar rekstrarkostnaður

Hér flokkast öll vöru- og þjónustukaup sveitarfélags og fyrirtækja þess hvort sem þau eru frá öðrum rekstrareiningum eða frá utanaðkomandi aðila. Gerð er krafa til eftirfarandi greiningar:

Hér flokkast kaup á ýmsum vörum sem tengjast almennum skrifstofurekstri og skyldri starfsemi. Ekki má líta svo á að þessi flokkur sé eingöngu fyrir slíkan rekstur heldur er hann eins og flestir flokkar óbundinn verkefnum eða starfsemi. Sem dæmi ritföng, pappír, bækur, tímarit, nótnahefti, efni og vörur til fjölföldunar eða ljósritunar, minniháttar hugbúnaður, hljómplötur, kort, myndir, filmur o.fl.

Hér flokkast vörukaup til matargerðar fyrir mötuneyti, veitingarekstur og kennslu svo og kaup á máltíðum og matvörum fyrir starfsmenn í vinnutíma. Einnig drykkjarvörur, kaffi, te o.s.frv.

Hér flokkast orkukaup. Gerð er krafa til eftirfarandi greiningar:

Hér flokkast ýmis tæki, búnaður og áhöld sem eru verðlítil og færast því ekki á eignaskrá eða til eignar þótt endingartími þeirra geti verið í sumum tilvikum langur.

Önnur vörukaup ótalin áður til reksturs eða viðhalds.

Hér flokkast bæði stofn- og afnotagjöld og notkun á öllum fjarskiptabúnaði og tækjum. Einnig skal færa hér til frádráttar, greiðslu frá starfsmönnum vegna afnota af síma. Einnig afnotagjöld fyrir gagnabanka, skrár og ýmiss konar tölvupóstþjónustu, einnig aðgangur að þjóðskrá, Íslenska menntanetinu, Hafsjó o.fl.

Hér flokkast leigugjöld vegna aksturs leigubifreiða, bílaleigubíla, hópferðabíla, sendibifreiða og vörubifreiða svo og afnota af bifreiðum starfsmanna. Einnig kostnaður sem til fellur umfram leigugjald s.s. bensín, gangna- og ferjugjöld. Gerð er krafa til eftirfarandi greiningar:

Þessi undirflokkur tekur til fargjalda samkvæmt farmiðum, dagpeninga og dvalarkostnaðar.

Reikningar frá sérfræðingum flokkast hér, þ.m.t. efni. Gerð er krafa til eftirfarandi greiningar:

Hér flokkast allar leigugreiðslur, bæði innan sveitarfélags og utan. Gerð er krafa til eftirfarandi greiningar:

Hér flokkast allar vátryggingar sveitarfélags og fyrirtækja þess.

Hér flokkast allar skattgreiðslur og greiðslur á opinberum gjöldum sem sveitarfélagi eða fyrirtækjum þess ber að greiða, nema launatengdir skattar og gjöld og fjármagnstekjuskattur. Gerð er krafa til eftirfarandi greiningar:

Þegar framlög og styrkir sveitarfélaganna eru skoðuð þarf að athuga hvort tilfærslan sé af rekstrarlegum toga eða ætluð til fjármunamyndunar þ.e. hvort um er að ræða tilfærslu vegna einhvers sem á að standa í langan tíma (bygging eða eitthvað þess háttar) eða verið er að styrkja rekstur t.d. fyrirtækis í bænum.

　4 Styrkir og annað

Styrkir eru skilgreindir sem óendurkræfar tilfærslur til aðila án þess að á móti komi vara eða þjónusta.

Hér flokkast styrkir eða framlög sem styrkþegi nýtir til rekstrar. Gerð er krafa til eftirfarandi greiningar:

Hér flokkast styrkir til fjárfestinga, þ.e. styrkþegi nýtir fjármagnið til eignabreytinga en ekki rekstrar. Gerð er krafa til eftirfarandi greiningar:

Hér flokkast niðurfærsla og afskriftir viðskiptakrafna, eignahluta, hlutafjár eða skuldabréfaeignar.

Hér flokkast sektir, tjónabætur til 3ja aðila og dæmdar bætur hvers konar sem sveitarfélagi eða fyrirtækjum þess ber að greiða.

Hér flokkast önnur útgjöld sem ekki er hægt að flokka annars staðar.

　5 Afskriftir

Hér flokkast afskriftir fastafjármuna og annarra eigna fyrirtækja sveitarfélaga.

　6 Fjármunatekjur og fjármagnsgjöld

Hér flokkast fjármunatekjur og fjármagnsgjöld sveitarfélags og fyrirtækja þess. Sérstaklega ber að greina fjármagnsliði vegna innri viðskipta.

Hér flokkast fjármuna- og verðbótatekjur sveitarfélags og fyrirtækja þess. Gerð er krafa til eftirfarandi greiningar:

Hér flokkast fjármagns- og verðbótagjöld sveitarfélags og fyrirtækja þess. Gerð er krafa til eftirfarandi greiningar:

Hér flokkast gengismunur af eignum og skuldum sveitarfélags og fyrirtækja þess.

Hér flokkast arður af eignahlutum og fyrirtækjum sveitarfélaga, s.s. Lánasjóði sveitarfélaga, Brunabótafélagi Íslands og hlutafjáreign. Gerð er krafa til eftirfarandi greiningar:

Hér flokkast fjármagnstekjuskattur.

Hér flokkast söluhagnaður og tap eigna, eignahluta og hlutabréfa. Einnig aðrir fjármagnsliðir sem ekki verða flokkaðir annars staðar.

　7 Óreglulegir liðir

Óreglulegir liðir eru tekjur eða gjöld sem koma einungis fyrir einu sinni eða afar sjaldan og falla því ekki undir hefðbundna starfsemi sveitarfélaga. Sala fasteigna eða eignarhluta í fyrirtækjum er m.a. skilgreind sem óreglulegur liður. Slíkir hlutir eru yfirleitt seldir einungis einu sinni og falla ekki undir hefðbundna starfsemi sveitarfélaga. Kostnaður vegna náttúruhamfara er einnig óreglulegur kostnaður svo annað dæmi sé nefnt.

12. gr.

Efnahagsliðir.

　6 flokkun eigna og skulda

　8 Eignir

Hér flokkast eignir sveitarfélags, fyrirtækja þess og stofnana. Gerð er krafa til eftirfarandi greiningar:

Þessi flokkun er notuð í fjárhagsáætlun og í skilum innan ársins en ekki í ársreikningi. Þar ber sveitarfélagi að skila sérstöku yfirliti um eignabreytingar þar sem flokkun er á málaflokka.

　9 Skuldir og eigið fé

13. gr.

14. gr.

2. gr.

Auglýsing þessi, sem sett er á grundvelli 18. gr. reglugerðar nr. 944/2000, öðlast þegar gildi.