1. gr. 4. málsl. 1. mgr. 1. gr. reglugerðarinnar orðast svo: Skilagjald skal nema 14,41 kr. án virðisaukaskatts á hverja umbúðaeiningu. 2. gr. 3. málsl. og 4. málsl. 8. gr. reglugerðarinnar orðast svo: Skal endurgreiðslan þannig nema samtals 14,41 kr. án virðisaukaskatts á hverja umbúðaeiningu. Þó skulu líða 60 dagar frá hækkun álagðs skilagjalds þar til Endurvinnslan hf. hækkar endurgreiðslu til neytenda fyrir sérhverjar umbúðir, sem skilað verður, úr 15,00 kr. í 16,00 kr. með virðisaukaskatti. 3. gr. Reglugerð þessi, sem sett er með stoð í 4. gr. laga um nr. 52/1989, um ráðstafanir gegn umhverfismengun af völdum einnota umbúða fyrir drykkjarvörur, öðlast gildi 1. janúar 2015. Umhverfis- og auðlindaráðuneytinu, 22. desember 2014. F. h. r. Steinunn Fjóla Sigurðardóttir. Jón Geir Pétursson. |