1. gr. Innleiðing. Ákvæði samningsins um Evrópska efnahagssvæðið sem vísað er til í XII. kafla II. viðauka skulu öðlast gildi með breytingum og viðbótum sem leiðir af II. viðauka, bókun 1 við samninginn og öðrum ákvæðum hans. Á grundvelli ákvörðunar sameiginlegu EES-nefndarinnar nr. 50/2011, frá 21. maí 2011, öðlast eftirfarandi EB-gerð gildi hér á landi: Reglugerð Evrópuþingsins og ráðsins (EB) nr. 1333/2008 um aukefni í matvælum. 2. gr. Birting. Reglugerð framkvæmdastjórnarinnar (EB) nr. 1333/2008 er birt í EES-viðbæti við Stjórnartíðindi Evrópusambandsins nr. 55, frá 7. október 2011, bls. 105. 3. gr. Viðbætur. Eftirfarandi viðbætur verða á efnisákvæðum reglugerðar Evrópuþingsins og ráðsins (EB) nr. 1333/2008: a) Þrátt fyrir ákvæði vii, a-liðar, 2. tl., 3. gr. telst ammóníumklóríð til matvælaaukefna. 4. gr. Eftirlit. Matvælastofnun og heilbrigðisnefndir sveitarfélaga undir yfirumsjón Matvælastofnunar fara með eftirlit með því að ákvæðum þessarar reglugerðar vegna matvælaeftirlits sé framfylgt í samræmi við 6. og 22. gr. laga nr. 93/1995 um matvæli. 5. gr. Þvingunarúrræði og viðurlög. Um brot gegn reglugerð þessari fer samkvæmt 30. gr., 30. gr. a – 30. gr. e og 31. gr. laga nr. 93/1995 um matvæli. 6. gr. Lagastoð. Reglugerð þessi er sett samkvæmt heimild í 31. gr. a laga nr. 93/1995 um matvæli. 7. gr. Gildistaka. Reglugerð þessi öðlast þegar gildi. Ákvæði til bráðabrigða. Í samræmi við bráðabirgðaákvæði reglugerðar Evrópuþingsins og ráðsins (EB) nr. 1333/2008 um skrá bandalagsins yfir matvælaaukefni sem samþykkt hafa verið til notkunar í matvæli og skilyrði fyrir notkun þeirra gilda ákvæði reglugerðar nr. 285/2002 um aukefni í matvælum, með síðari breytingum varðandi notkun og hámarksgildi aukefna í matvælum, aukefni í bragðefnum og hreinleika aukaefna. Sjávarútvegs- og landbúnaðarráðuneytinu, 18. október 2011. Jón Bjarnason. Baldur P. Erlingsson. |