1. gr.

Lagadeild Háskóla Íslands býður upp á nám í lögfræði sem aukagrein fyrir stúdenta í BA- og BS-námi við aðrar deildir Háskólans þar sem reglur þessara deilda standa því ekki í vegi.

Boðið er upp á lögfræði sem aukagrein á alþjóðasviði, fjármunaréttarsviði, refsiréttar­sviði, stjórnsýslusviði, umhverfis- og auðlindaréttarsviði og á almennu sviði.

Að jafnaði er boðið upp á kennslu í þeim námskeiðum, sem eru í kjarnanámi og kjör­námi, á tveimur háskólaárum. Námskeið sem byrja á nr. 03.01., 03.02. og 03.03. eru kennd á hverju ári en námskeið sem byrja á nr. 03.04. og 03.15. eru almennt kennd annað hvert háskólaár. Lagadeild áskilur sér þó rétt til að fella niður kennslu í tilteknum námskeiðum, sem kennd eru annað hvert háskólaár, sé þátttaka ekki næg eða af öðrum ástæðum.

Reglur lagadeildar um kennsluhætti og próffyrirkomulag, þ.m.t. um lágmarkseinkunnina 6,0 í öllum námskeiðum, gilda um þá stúdenta sem taka lögfræði sem aukagrein við aðrar háskóladeildir.

Lýsingar á námskeiðum við lagadeild eru birtar í kennsluskrá Háskóla Íslands.

Stúdent, sem hefur verið skráður í laganám og hefur staðist próf í einu eða fleiri námskeiðum á fyrsta ári BA-náms við deildina, getur fengið það nám metið í námi samkvæmt 2.-7. gr. reglna þessara.

2. gr.

Nám í lögfræði sem aukagrein á alþjóðasviði skiptist þannig, að 21 eining er kjarnanám (skyldunámskeið) og 9 einingar eru kjörnám (valnámskeið).

Eftirfarandi fimm námskeið teljast til kjarnanáms:

Eftirfarandi námskeið teljast til kjörnáms og ber nemanda að velja fimm þeirra:

3. gr.

Nám í lögfræði sem aukagrein á fjármunaréttarsviði skiptist þannig að 24 einingar eru kjarnanám (skyldunámskeið) og 6 einingar eru kjörnám (valnámskeið).

Eftirfarandi sex námskeið teljast til kjarnanáms:

Eftirfarandi námskeið teljast til kjörnáms og ber nemanda að velja tvö þeirra:

4. gr.

Nám í lögfræði sem aukagrein á refsiréttarsviði skiptist þannig, að 22 einingar eru kjarnanám (skyldunámskeið) og 8-9 einingar eru kjörnám (valnámskeið).

Eftirfarandi sex námskeið teljast til kjarnanáms:

Eftirfarandi námskeið teljast til kjörnáms og ber nemanda að velja tvö eða þrjú þeirra:

5. gr.

Nám í lögfræði sem aukagrein á stjórnsýslusviði skiptist þannig, að 24 einingar eru kjarnanám (skyldunámskeið) og 6 einingar eru kjörnám (valnámskeið).

Eftirfarandi fimm námskeið teljast til kjarnanáms:

Eftirfarandi námskeið teljast til kjörnáms og ber nemanda að velja tvö þeirra:

6. gr.

Nám í lögfræði sem aukagrein á sviði umhverfis- og auðlindaréttar skiptist þannig, að 18 einingar eru kjarnanám (skyldunámskeið) og 12 einingar eru kjörnám (valnámskeið).

Eftirfarandi sex námskeið teljast til kjarnanáms:

Eftirfarandi námskeið teljast til kjörnáms og ber nemanda að velja fjögur þeirra, alls 12e:

7. gr.

Stúdent, sem hefur verið skráður í laganám og hefur staðist próf í BA-námskeiðum, sem vega samtals 30 einingar, getur fengið það nám metið til 30 eininga í lögfræði sem aukagrein á almennu sviði. Þetta eru annars vegar námskeið nr. 03.01.21- Inngangur að lögfræði (3,0e) og nr. 03.01.25- Almenn lögfræði ásamt ágripi af réttarsögu (9,0e) og hins vegar 18 einingar skv. vali í öðrum námskeiðum til BA-prófs í lögfræði.

8. gr.

Reglur þessar sem samþykktar hafa verið af deildarfundi í lagadeild og hlotið stað­festingu háskólaráðs, sbr. 1. og 2. mgr. 15. gr. laga nr. 41/1999 um Háskóla Íslands og ákvæði V. kafla reglna fyrir Háskóla Íslands nr. 458/2000, öðlast þegar gildi.