1. gr.
Með vísan til 2. og 3. gr. reglugerðar nr. 995/2021, um úthlutun byggðakvóta til fiskiskipa á fiskveiðiárinu 2021/2022, staðfestir ráðuneytið sérstök skilyrði vegna úthlutunar aflaheimilda í eftirfarandi sveitarfélögum:
Húnaþing vestra (breyting á viðmiðun um úthlutun, löndunarskylda innan byggðarlags, niðurfelling vinnsluskyldu).
Ákvæði reglugerðar nr. 995/2021, um úthlutun byggðakvóta til fiskiskipa á fiskveiðiárinu 2021/2022, gilda um úthlutun byggðakvóta Hvammstanga með eftirfarandi breytingum:
| |
a) |
Ákvæði 1. málsl. 1. mgr. 4. gr. reglugerðarinnar breytist og verður: |
|
|
|
Skipting þess aflamarks, sem nú kemur í hlut byggðarlags, auk þess aflamarks byggðarlagsins sem kann að vera eftir af úthlutun fyrra fiskveiðiárs, skal að öðru leyti fara fram til einstakra fiskiskipa sem uppfylla skilyrði 1. gr., sbr. og reglur um sérstök skilyrði fyrir úthlutun byggðakvóta í einstökum sveitarfélögum sem ráðuneytið staðfestir samkvæmt 2.-3. gr., eftir því sem við á, og skal skipt samkvæmt stafliðum a, b og c af því aflamarki sem fallið hefur til viðkomandi byggðarlags.
|
| |
|
a. |
65% skal skipt milli þeirra fiskiskipa sem gerð eru út frá Hvammstanga og fengið hafa úthlutun samkvæmt reglugerð nr. 919/2021 vegna aflabrests á rækju í innanverðum Húnaflóa. Við skiptingu þessa 65% byggðakvóta Húnaþings vestra, til ofangreindra skipa, skal miða við meðaltal landaðs botnfiskafla í þorskígildum talið, í tegundum sem hafa þorskígildisstuðla, í þorskígildum talið, í Hvammstangahöfn á tímabilinu 1. september 2020 til 31. ágúst 2021. |
| |
|
b. |
35% skal skipt milli þeirra fiskiskipa sem gerð eru út frá Hvammstanga miðað við meðaltal landaðs botnfiskafla, í tegundum sem hafa þorskígildisstuðla, í þorskígildum talið, í Hvamms-tangahöfn á tímabilinu 1. september 2020 til 31. ágúst 2021. |
| |
|
c. |
Skip eiga rétt til úthlutunar úr báðum pottum samkvæmt stafliðum a og b að uppfylltum skilyrðum. |
| |
b) |
Ákvæði 1. málsl. 1. mgr. 6. gr. reglugerðarinnar breytist og verður: Fiskiskipum er skylt að landa innan byggðarlagsins þeim afla sem telja á til byggðakvóta á tímabilinu frá 1. september 2021 til 31. ágúst 2022. |
| |
c) |
Ákvæði 4. málsl. 1. mgr. 6. gr. reglugerðarinnar fellur niður. |
| |
d) |
Í 3. mgr. 6. gr. reglugerðarinnar breytist „telst ekki hafa verið landað til vinnslu“ og verður: telst hafa verið landað til vinnslu. |
2. gr.
Auglýsing þessi, sem birt er samkvæmt heimild í 5. mgr. 10. gr. laga nr. 116/2006, um stjórn fiskveiða, öðlast þegar gildi.
Matvælaráðuneytinu, 27. maí 2022.
Svandís Svavarsdóttir.
Áslaug Eir Hólmgeirsdóttir.
|