1. gr.

Gildissvið.

Reglur þessar gilda um lánastofnanir sem tilkynna um starfsemi yfir landamæri, sbr. 36. og 37. gr. laga um fjármálafyrirtæki, nr. 161/2002.

2. gr.

Form og efni tilkynninga um starfsemi yfir landamæri.

Lánastofnun sem skylt er að tilkynna starfrækslu útibús eða veitingu þjónustu á grundvelli 36. eða 37. gr. laga um fjármálafyrirtæki skal, eftir því sem við á, fylgja ákvæðum reglugerða (ESB) nr. 926/2014, með síðari breytingum, og 1126/2014, með síðari breytingum, sbr. 3. gr.

3. gr.

Innleiðing reglugerða.

Með vísan til 2. gr. gilda eftirtaldar reglugerðir hér á landi:

1. Framkvæmdarreglugerð framkvæmdastjórnarinnar (ESB) nr. 926/2014 frá 27. ágúst 2014 um tæknilega framkvæmdarstaðla að því er varðar stöðluð eyðublöð, sniðmát og verklags­reglur fyrir tilkynningar varðandi nýtingu staðfesturéttar og frelsis til að veita þjónustu yfir landa­mæri samkvæmt tilskipun Evrópuþingsins og ráðsins 2013/36/ESB, sem tekin var upp í EES-samninginn með ákvörðun sameiginlegu EES-nefndarinnar nr. 80/2019 frá 29. mars 2019 sem birt er í EES-viðbæti við Stjórnartíðindi Evrópusambandsins nr. 44 frá 2. júlí 2020, bls. 59.
2. Framseld reglugerð framkvæmdastjórnarinnar (ESB) nr. 1151/2014 frá 4. júní 2014 um viðbætur við tilskipun Evrópuþingsins og ráðsins 2013/36/ESB, að því er varðar tæknilega eftirlitsstaðla um upplýsingar sem á að tilkynna við nýtingu staðfesturéttar og frelsis til að veita þjónustu yfir landamæri, sem tekin var upp í EES-samninginn með ákvörðun sam­eigin­legu EES-nefndarinnar nr. 80/2019 frá 29. mars 2019 sem birt er í EES-viðbæti við Stjórnar­tíðindi Evrópusambandsins nr. 44 frá 2. júlí 2020, bls. 59. Reglugerðin er birt í EES-viðbæti við Stjórnartíðindi Evrópusambandsins nr. 69 frá 29. október 2020, bls. 32-35.
3. Framseld reglugerð framkvæmdastjórnarinnar (ESB) 2022/192 frá 20. október 2021 um breyt­ingar á framseldri reglugerð (ESB) nr. 1151/2014 að því er varðar tæknilega eftirlits­staðla um upplýsingar sem á að tilkynna við nýtingu staðfesturéttar og frelsis til að veita þjónustu yfir landamæri, sem tekin var upp í EES-samninginn með ákvörðun sameiginlegu EES-nefndarinnar nr. 216/2022 frá 8. júlí 2022.
4. Framkvæmdarreglugerð framkvæmdastjórnarinnar (ESB) 2022/193 frá 17. nóvember 2021 um breytingar á framkvæmdarreglugerð framkvæmdastjórnarinnar (ESB) nr. 926/2014 um tækni­lega framkvæmdarstaðla að því er varðar stöðluð eyðublöð, sniðmát og verklagsreglur vegna tilkynninga varðandi nýtingu staðfesturéttar og frelsis til að veita þjónustu yfir landa­mæri, sem tekin var upp í EES-samninginn með ákvörðun sameiginlegu EES-nefndarinnar nr. 216/2022 frá 8. júlí 2022.

Með vísan til heimildar í ákvæði til bráðabirgða III í lögum nr. 161/2002 um fjármálafyrirtæki, sbr. lög nr. 57/2015, vísar Seðlabanki Íslands til birtingar enskrar útgáfu af reglugerðum fram­kvæmda­stjórnarinnar (ESB) nr. 926/2014, 2022/192 og 2022/193 í Stjórnartíðindum Evrópu­sambands­ins (e. Official Journal of the European Union):

1. https://eur-lex.europa.eu/legal-content/EN/TXT/?qid=1525361563411&uri=CELEX:32014 R0926, birt í OJ deild L, undirdeild R, nr. 254, þann 28. ágúst 2014, bls. 2-21;
2. https://eur-lex.europa.eu/legal-content/EN/TXT/?uri=uriserv%3AOJ.L_.2022.031.01.0001. 01.ENG, birt í OJ deild L, undirdeild R, nr. 31, þann 14. febrúar 2022, bls. 1-3;
3. https://eur-lex.europa.eu/legal-content/EN/TXT/?uri=uriserv%3AOJ.L_.2022.031.01.0004. 01.ENG, birt í OJ deild L, undirdeild R, nr. 31, þann 14. febrúar 2022, bls. 4-20.

4. gr.

Gildistaka.

Reglur þessar, sem settar eru með heimild í 3., 4. og 5. tölul. 1. mgr. 117. gr. b laga um fjármála­fyrirtæki nr. 161/2002, öðlast þegar gildi. Með gildistöku þeirra falla úr gildi reglur nr. 130/2019 um tæknilega staðla varðandi tilkynningar lánastofnana um starfsemi yfir landamæri.

Seðlabanka Íslands, 7. október 2022.