1. gr.

Eftirfarandi breytingar verða á 45. gr. samþykktarinnar:

1. 8. töluliður C-liðar orðast svo:
   Umdæmisráð barnaverndar. Samkvæmt samningi um rekstur umdæmisráðs landsbyggða skipa aðildarsveitarfélögin fimm manna valnefnd sem fer með umboð sveitarfélaganna til skipunar í umdæmisráð barnaverndar. Skipunartími umdæmis­ráðs er fimm ár.
2. Við C-lið bætast við tveir nýir töluliðir, svohljóðandi:
   21. Barnaverndarþjónusta á Mið–Norðurlandi. Samkvæmt samningi um rekstur barna­verndar­þjónustu á Mið–Norðurlandi, sbr. auglýsingu nr. 1627/2022 fer sveitarfélagið Skagafjörður með verkefni barnaverndarþjónustu samkvæmt 10. gr. barna­verndar­laga nr. 80/2002 sem ekki eru falin öðrum.
   22. Samráðshópur í málefnum fatlaðs fólks. Einn fulltrúi í samræmi við samning um leiðandi sveitarfélag í málefnum fatlaðs fólks.

2. gr.

Samþykkt þessi sem sveitarstjórn Húnaþings vestra hefur sett samkvæmt ákvæðum 9. og 18. gr. sveitarstjórnarlaga nr. 138/2011 staðfestist hér með til að öðlast þegar gildi.

Innviðaráðuneytinu, 23. janúar 2023.

F. h. r.

Aðalsteinn Þorsteinsson.