Eftirfarandi reglur um skattmat tekna af landbúnaði á árinu 2025 eru settar skv. 118. gr. laga nr. 90/2003, um tekjuskatt, sbr. og 2. tölul. B-liðar 17. gr. reglugerðar nr. 245/1963, um tekjuskatt og eignarskatt. Um er að ræða mat á tekjum í búrekstri, hvort sem um er að ræða einstaklingsrekstur eða rekstur lögaðila sem færa ber á rekstrarreikning fyrir tekjuárið 2025.
Búsafurðir til heimanota og önnur endurgjaldslaus afhending þeirra til eigenda, starfsmanna og skylduliðs þeirra skal telja til rekstrartekna. Tekur skattmatið m.a. til búfjárafurða, jarðargróða, afraksturs af hvers konar hlunnindum, afurða gróðurstöðva, fuglabúa o.s.frv. og sjávarafla og afla eldisstöðva. Séu afurðir, sem teknar eru eða afhentar til heimanota, ekki tilgreindar hér á eftir skal meta þær á sama verði og fyrir þær fæst við sölu til óskylds aðila. Séu afurðir þessar afhentar á lægra verði en í skattmatinu greinir skal mismunur á því verði og matsverðinu talinn til rekstrartekna hjá búinu. Sláturkostnaður vegna búsafurða til heimanota heimilast ekki til frádráttar rekstrartekjum.
Skattmat á heimaafnotum búsafurða o.fl. vegna tekjuársins 2025 er sem hér segir:
| Tegund |
Krónur |
Eining |
| Mjólk |
136 |
pr. lítra |
| Egg |
644 |
pr. kg |
| Kartöflur |
188 |
pr. kg |
| Rófur |
215 |
pr. kg |
| Gulrætur |
587 |
pr. kg |
| Lambakjöt |
854 |
pr. kg |
| Kjöt af veturgömlu fé |
263 |
pr. kg |
| Annað kjöt af sauðfé |
182 |
pr. kg |
| Ungnautakjöt |
863 |
pr. kg |
| Annað kjöt af nautgripum |
499 |
pr. kg |
| Folaldakjöt |
380 |
pr. kg |
| Annað kjöt af hrossum |
158 |
pr. kg |
| Grísakjöt |
640 |
pr. kg |
| Annað svínakjöt |
324 |
pr. kg |
| Kjúklingar |
540 |
pr. kg |
| Annað fuglakjöt |
886 |
pr. kg |
| Lax og silungur |
924 |
pr. kg |
| Annar fiskur |
427 |
pr. kg |
Reykjavík, 13. desember 2024.
Snorri Olsen ríkisskattstjóri.
|