1. gr.

Í stað 29. gr. reglugerðarinnar koma tvær nýjar greinar svohljóðandi:

29. gr.

Endurgreiðsla kostnaðar.

Sé farbann lagt á skip skv. 19. gr. skal útgerð greiða sérstakt gjald vegna farbannsins. Gjaldið skal vera til endurgreiðslu þess kostnaðar sem fellur til hjá Samgöngustofu í tengslum við farbannið. Til kostnaðar telst vinna starfsmanna samkvæmt tímagjaldi, ferðakostnaður, gistikostnaður, fæðis­kostn­aður, efniskostnaður og annar kostnaður sem kann að falla til sérstaklega vegna farbanns. Far­banni skal ekki aflétt fyrr en full greiðsla hefur borist eða fullnægjandi tryggingar settar fyrir greiðslu gjalds­ins.

Gjaldið skal birt í gjaldskrá Samgöngustofu samkvæmt lögum um Samgöngustofu, stjórnsýslu­stofnun samgöngumála nr. 119/2012.

29. gr. a.

Sektir.

Ef útgerð skips, sem sæta skal víðtækri skoðun samkvæmt 14. gr. og er á leið til hafnar eða akkerislægis á Íslandi, uppfyllir ekki kröfur 9. gr. um tilkynningaskyldu, skal útgerðin greiða stjórn­valds­sekt skv. 45. gr. skipalaga nr. 66/2021.

Sé farbann lagt á skip skv. 19. gr. skal útgerð skips greiða stjórnvaldssekt skv. 45. gr. skipalaga nr. 66/2021. Farbanni skal ekki aflétt fyrr en full greiðsla hefur borist eða fullnægjandi tryggingar verið settar fyrir greiðslu sektarinnar.

2. gr.

Gildistaka.

Reglugerð þessi, sem sett er með heimild í 33. gr. skipalaga nr. 66/2021, öðlast þegar gildi.

Innviðaráðuneytinu, 8. maí 2024.

Svandís Svavarsdóttir.