1. gr.

Gildissvið.

Reglur þessar gilda um starfsemi innlendra vátryggingafélaga og starfsemi erlendra vátrygg­inga­félaga hér á landi, sbr. 2. og 3. gr. laga nr. 100/2016 um vátryggingastarfsemi. Þá gilda reglur þessar um vátrygginga­samstæður, sbr. 1. gr. laga nr. 60/2017 um vátryggingasamstæður.

2. gr.

Sniðmát fyrir gagnaskil til Fjármálaeftirlitsins.

Reglur þessar eru settar til að innleiða framkvæmdarreglugerðir framkvæmdastjórnarinnar (ESB) þar sem fram koma tæknilegir framkvæmdarstaðlar að því er varðar sniðmát fyrir gagnaskil vátryggingafélaga, eignar­haldsfélaga á vátryggingasviði og blandaðra eignar­haldsfélaga í fjármála­starfsemi til Fjármála­eftirlitsins samkvæmt 31. gr. laga nr. 100/2016 um vátrygginga­starfsemi og 31. og 32. gr. laga nr. 60/2017 um vátrygginga­samstæður.

3. gr.

Innleiðing reglugerðar.

Með reglum þessum öðlast gildi hér á landi framkvæmdarreglugerð framkvæmdastjórnarinnar (ESB) 2023/894 frá 4. apríl 2023 um tæknilega framkvæmdarstaðla fyrir beitingu tilskipunar Evrópu­þingsins og ráðsins 2009/138/EB að því er varðar sniðmátin fyrir framlagningu upplýsinga frá vátrygginga- og endurtryggingafélögum til eftirlitsyfirvalda sem nauðsynlegar eru fyrir eftirlit þeirra og um niðurfellingu á framkvæmdarreglugerð (ESB) 2015/2450, sem tekin var upp í EES-samninginn með ákvörðun sameiginlegu EES-nefndarinnar nr. 280/2023 frá 27. október 2023. Reglugerðin er birt í EES-viðbæti við Stjórnartíðindi ESB nr. 93 frá 19. desember 2024, bls. 1-1596.

4. gr.

Gildistaka.

Reglur þessar, sem settar eru með heimild í 13. mgr. 31. gr. laga nr. 100/2016 um vátrygginga­starfsemi og 7. mgr. 31. gr. og 6. mgr. 32. gr. laga nr. 60/2017 um vátryggingasamstæður, öðlast þegar gildi. Við gildistöku þeirra falla úr gildi reglur nr. 1114/2021 um sniðmát fyrir gagnaskil vátrygginga­félaga og vátryggingasam­stæðna.

Seðlabanka Íslands, 19. desember 2024.