Tilkynningaskyldir aðilar, sbr. 4. og 5. mgr. 91. gr. a laga nr. 90/2003, um tekjuskatt, skulu innan mánaðar frá lokum reikningsárs á árinu 2020 tilkynna ríkisskattstjóra hvaða félag í sam­stæðunni skili ríki-fyrir-ríki skýrslu um skattskil og um heimilisfestarríki þess félags. Jafnframt skal tilgreina sérstak­lega ef hið tilkynningarskylda félag er móðurfélag heildarsamstæðunnar eða staðgöngufélag móður­félags.

Tilkynningarskyldir aðilar skulu vegna reikningsárs þess sem lauk á árinu 2019 skila slíkri til­kynningu eigi síðar en 31. janúar 2020.

Tilkynningu samkvæmt auglýsingu þessari skal skilað með því að senda eyðublaðið RSK 4.31 á netfangið milliverdlagning@rsk.is.

Allar fyrirspurnir vegna framangreindra skila má senda á netfangið milliverdlagning@rsk.is.

Auglýsing þessi, sem birt er samkvæmt 91. gr. a laga nr. 90/2003, um tekjuskatt, öðlast þegar gildi.

Reykjavík, 18. desember 2019.

Snorri Olsen ríkisskattstjóri.