1. gr.

Heiti reglnanna verður eftirfarandi:

Reglur um val á nemendum til náms í hjúkrunarfræði við hjúkrunarfræðideild Háskólans á Akureyri.

2. gr.

Sú breyting verður á 5. tölul. 1. gr. reglnanna að í stað orðsins „heilbrigðisvísindasviðs“ kemur: hjúkrunarfræðideildar.

3. gr.

9. tölul. 1. gr. reglnanna orðast svo:

Hafi nemendur, sem öðlast hafa rétt til setu á vormisseri 1. námsárs, ekki staðfest fyrir lok fyrsta dags í janúar að þeir muni þiggja sætin, skal þeim sem hæstu meðaleinkunn hafa meðal brott­fallinna nemenda boðin sætin, skv. 7. og 8. tölulið 1. gr. reglna þessara.

4. gr.

Sú breyting verður á 10. tölul. 1. gr. reglnanna að í stað orðsins „heilbrigðisvísindasvið“ kemur: hjúkrunarfræðideild.

5. gr.

Reglur þessar, sem samþykktar voru í háskólaráði, eru settar á grundvelli laga nr. 85/2008 um opinbera háskóla og öðlast þegar gildi.

Háskólanum á Akureyri, 28. apríl 2022.

Eyjólfur Guðmundsson rektor.