1. gr.

Starfsábyrgðartrygging endurskoðanda skal nema minnst 20.000.000 kr. vegna hvers einstaks tjónsatviks.

Heildarfjárhæð vátryggingabóta innan hvers árs skal nema minnst 50.000.000 kr.

Fjárhæðir þessar skulu miðast við vísitölu neysluverðs í september 2020, 487 stig, og breytast 1. janúar ár hvert, í fyrsta sinn 1. janúar 2022, í samræmi við breytingar á vísitölunni.

2. gr.

Hámark eigin áhættu vátryggingataka starfsábyrgðartryggingar endurskoðenda er 5.000.000 kr.

3. gr.

Reglur þessar, sem eru settar samkvæmt heimild í 2. mgr. 8. gr. laga nr. 94/2019 um endur­skoðendur og endurskoðun, öðlast þegar gildi.

Ákvæði til bráðabirgða.

Vátrygging endurskoðanda sem er í gildi við gildistöku reglna þessara má halda gildi sínu til 31. desember 2020. Frá þeim degi skulu fjárhæðir vátrygginga endurskoðenda vera í samræmi við ákvæði reglna þessara.

Endurskoðendaráði, 21. október 2020.