1. gr.

Í stað „20. gr.“ í inngangi reglnanna kemur: 21. gr.

2. gr.

Eftirfarandi breytingar verða á 1. gr. reglnanna:

1. a-liður 1. gr. reglnanna orðast svo:
     Háskólakennarar, þ.e. prófessorar, dósentar, lektorar og aðjúnktar, við Háskólann á Akur­eyri geta sótt um rannsóknamisseri að uppfylltum þeim skilyrðum sem tilgreind eru í liðum b‑g hér á eftir. Heimild til rannsóknamisseris er ekki veitt nema viðkomandi kennari hafi sinnt fullri kennslu- og stjórnunarskyldu næstliðin sex eða tólf misseri þegar veitt rann­sókna­misseri hefst og fer það eftir því hvort sótt er um eitt eða tvö samfelld rannsókna­misseri. Réttur til rannsóknamissera safnast ekki upp á ráðningartíma starfsmanns heldur hefst nýtt tímabil að loknu hverju rannsóknamisseri.
2. Í stað orðanna „Fastráðnir kennarar“ í c-lið 1. gr. reglnanna kemur: Háskólakennarar.
3. Í stað orðanna „Fastráðnir kennarar“ í e-lið 1. gr. reglnanna kemur: Háskólakennarar.

3. gr.

Í stað „20. gr.“ í 8. gr. reglnanna kemur: 21. gr.

4. gr.

Reglur þessar, sem samþykktar voru af háskólaráði eru settar á grundvelli laga nr. 85/2008 um opinbera háskóla, sbr. einnig 21. gr. reglna fyrir Háskólann á Akureyri, nr. 387/2009, öðlast þegar gildi.

Háskólanum á Akureyri, 27. ágúst 2020.

Eyjólfur Guðmundsson rektor.