1. gr.

Eftirfarandi breytingar verða á 47. gr. samþykktarinnar:

1. Orðið „barnavernd“ í 1. tl. C-liðar fellur brott.
2. Orðin „málefni fatlaðs fólks“ í 1. tl. C-liðar fellur brott.
3. Við C-lið bætast þrír nýir töluliðir, svohljóðandi:
   10. Umdæmisráð barnaverndar. Samkvæmt samningi um rekstur umdæmisráðs lands­byggða skipa aðildarsveitarfélögin fimm manna valnefnd sem fer með umboð sveitar­félaganna til skipunar í umdæmisráð barnaverndar. Skipunartími umdæmis­ráðs er fimm ár.
   11. Barnaverndarþjónusta á Mið-Norðurlandi. Samkvæmt samningi um rekstur barna­verndarþjónustu á Mið-Norðurlandi, sbr. auglýsingu nr. 1627/2022 fer sveitar­félagið Skagafjörður með verkefni barnaverndarþjónustu samkvæmt 10. gr. barnaverndarlaga nr. 80/2002, sem ekki eru falin öðrum.
   12. Samráðshópur í málefnum fatlaðs fólks. Samkvæmt samningi um sameiginlegt þjónustusvæði á Norðurlandi vestra um þjónustu við fatlað fólk, sbr. auglýsingu nr. 710/2016, skipa aðildarsveitarfélögin hvert einn fulltrúa í þjónusturáð.

2. gr.

Samþykkt þessi sem sveitarstjórn Húnabyggðar hefur sett samkvæmt ákvæðum 9. og 18. gr. sveitarstjórnarlaga nr. 138/2011 staðfestist hér með til að öðlast þegar gildi.

Innviðaráðuneytinu, 30. maí 2024.

F. h. r.

Guðni Geir Einarsson.