1. gr.

Gildissvið.

Reglur þessar gilda um fjármálafyrirtæki sem skylt er að viðhalda sveiflujöfnunarauka sam­kvæmt 85. gr. laga um fjármálafyrirtæki, nr. 161/2002.

2. gr.

Gildi sveiflujöfnunarauka.

Fjármálafyrirtæki skulu viðhalda sveiflujöfnunarauka vegna innlendra áhættuskuldbindinga með eftirfarandi hætti:

1. Gildi sveiflujöfnunarauka skal vera 2% af áhættugrunni til og með 15. mars 2024.
2. Frá og með 16. mars 2024 skal gildi sveiflujöfnunarauka vera 2,5% af áhættugrunni.

Fjármálafyrirtæki skal einnig viðhalda sveiflujöfnunaraukanum á samstæðugrunni.

3. gr.

Gildistaka.

Reglur þessar, sem settar eru á grundvelli 85. gr. laga um fjármálafyrirtæki, nr. 161/2002, hafa verið samþykktar af fjármálastöðugleikanefnd Seðlabanka Íslands og öðlast þegar gildi. Með gildis­töku þeirra falla úr gildi reglur nr. 1076/2021, um sveiflujöfnunarauka á fjármálafyrirtæki.

Seðlabanka Íslands, 14. mars 2023.