Samkvæmt orkulögum nr. 58/1967, með síðari breytingum, hefur ráðuneytið staðfest eftir­farandi breytingu á gjaldskrá Orkubús Vestfjarða ohf., nr. 743/2008, er tekur gildi 1. febrúar 2022.

Gjaldskrá Orkubús Vestfjarða ohf., fyrir hitaveitur, nr. 743/2008, með síðari breytingum, breytist þannig:

1. Heitt vatn.

Greiða skal í ríkissjóð sérstakan skatt af heitu vatni. Heimilt er að miða innheimtu skatts af heitu vatni við áætlaða sölu. Fjárhæð skatts af heitu vatni skal vera 2,0% af smásöluverði.

2. Tengigjöld hitaveitu.

Orkubúinu er heimilt að takmarka aðgang að heitavatnskerfi ef orkuöflun gefur tilefni til.

Sé fyrirsjáanlegt vegna fjarlægðar eða annarra aðstæðna að kostnaður við lagningu heimæðar verði meira en 50% hærri en gildandi gjaldskrá, skal greiða þann áætlaða kostnað sem er umfram 50%.

Sé ný heimæð ekki tekin í notkun eða veitu lokað, í 6 mánuði eða lengur má búast við afteng­ingu heimæðar. Hafi notkun aldrei hafist á nýrri heimæð eða fallið niður í veitum sem hafa verið í notkun, í að minnsta kosti 5 ár, telst heimæð aflögð og þarf að greiða fullt tengigjald til að notkun geti hafist. Fyrir skemmri tíma greiðist fastagjald fyrir þann tíma sem liðinn er frá aftengingu auk endurtengingar­gjalds (uppsetning orkumælis).

3. Niðurgreiðslur.

1. Niðurgreiðslur vegna hitunar íbúðarhúsnæðis.

Kostnaður við dreifingu orku til hitunar íbúðarhúsnæðis er greiddur niður samkvæmt ákvörðun ráðherra hverju sinni. Greiddar eru niður allt að 40.000 kílówattstundir á ári fyrir hverja íbúð þar sem föst búseta er. Sækja þarf um niðurgreiðslur til Orkustofnunar www.os.is. Orka frá kyntum hitaveitum til hitunar íbúðarhúsnæðis er greidd niður um 5,04 kr./kWh, 4,77 kr./kWh koma úr ríkissjóði og 0,27 kr./kWh koma frá Orkubúi Vestfjarða.

2. Umsókn um niðurgreiðslur.

Samkvæmt lögum um niðurgreiðslu húshitunarkostnaðar nr. 78/2002 og lögum um breytingu á lögum nr. 78/2002, um niðurgreiðslur húshitunarkostnaðar, nr. 58/2004 þurfa allir notendur sem vilja njóta niðurgreiðslu að sækja um það sérstaklega til Orkustofnunar sem hefur eftirlit með framkvæmd laganna.

Eigandi íbúðarhúsnæðis sem ekki hefur kost á fullri hitun með jarðvarma getur sótt um niður­greiðslu húshitunarkostnaðar til Orkustofnunar sem metur á grundvelli umsóknar hvort skilyrði laga þessara fyrir niðurgreiðslum sbr. 4. gr. séu uppfyllt. Sækja má um niðurgreiðslu með eftir­töldum leiðum:

Fylla út umsókn á heimasíðu Orkustofnunar www.os.is og senda rafrænt til hennar.

Fylla út eyðublað á pappírsformi og senda í pósti til Orkustofnunar, Grensásvegi 9, 108 Reykjavík. Orkustofnun sendir eyðublaðið til þeirra sem þess óska.

Orkustofnun veitir fúslega nánari upplýsingar um niðurgreiðslulögin og aðstoðar íbúðar­eigendur við umsóknina eins og kostur er. Hringja má í síma 569 6000 eða senda tölvupóst á netfangið [email protected].

4. Þjónusta.

Umhverfis- og auðlindaráðuneytinu, 27. janúar 2022.

F. h. umhverfis-, orku- og loftslagsráðherra,

Stefán Guðmundsson.