1. gr.

Eftirfarandi breytingar verða á 84. gr. reglnanna:

1. 18. mgr., um MA-nám í þróunarfræðum, fellur niður.
2. 2. málsl. núverandi 24. mgr., um diplómanám í þróunarfræðum, orðast svo: Nám þetta er hægt að fá metið inn í meistaranám í hnattrænum fræðum.
3. Í stað orðanna „MA-nám á sviði hnattrænna tengsla“ í núverandi 27. mgr. kemur: MA-nám á sviði hnattrænna fræða.
4. Í stað orðanna „Diplómanám á sviði hnattrænna tengsla“ í núverandi 28. mgr. kemur: Diplómanám á sviði hnattrænna fræða.
5. Á eftir núverandi 28. mgr. bætist við ný málsgrein, svohljóðandi:
   Diplómanám í hnattrænni heilsu er sjálfstætt 30 eininga nám að loknu BA-prófi eða sambæri­legu háskólaprófi. Nám þetta er hægt að fá metið inn í meistaranám í hnattrænum fræðum.

2. gr.

16. mgr. 92. gr. reglnanna orðast svo:

Diplómanám í smáríkjafræðum: Smáríki í alþjóðakerfinu (Small State Studies: Small States in the International System) er sjálfstætt 30 eininga nám að loknu BA-prófi eða sambærilegu háskóla­prófi. Nám þetta er hægt að fá metið inn í MA-nám í alþjóðasamskiptum að uppfylltum inntöku­skilyrðum.

3. gr.

Á eftir 13. mgr. 117. gr. reglnanna bætist við ný málsgrein, svohljóðandi:

Diplómanám í faggreinakennslu er sjálfstætt 60 eininga framhaldsnám.

4. gr.

Reglur þessar, sem samþykktar hafa verið í háskólaráði Háskóla Íslands, eru settar í samræmi við lög nr. 85/2008 um opinbera háskóla og öðlast þegar gildi.

Háskóla Íslands, 7. desember 2018.

Jón Atli Benediktsson.

Þórður Kristinsson.