Forseti Íslands
gjörir kunnugt:

Samkvæmt tillögu forsætisráðherra og með skírskotun til 15. gr. stjórnarskrárinnar, laga um Stjórnarráð Íslands og forsetaúrskurðar um skiptingu Stjórnarráðs Íslands í ráðuneyti er störfum þannig skipt með ráðherrum:

1. gr.

Forsætisráðherra.

Kristrún Frostadóttir fer með stjórnarmálefni sem heyra undir forsætis­ráðuneytið skv. 1. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands nr. 6/2022, sbr. forsetaúrskurði nr. 2/2023, 8/2024 og 113/2024, og ber embættisheitið forsætis­ráðherra.

2. gr.

Atvinnuvegaráðherra.

Hanna Katrín Friðriksson fer með stjórnarmálefni sem heyra undir háskóla-, iðnaðar- og nýsköp­unar­ráðuneytið skv. 8. tölul. 5. gr., matvælaráðuneytið skv. 8. gr., að undanskildum d-lið 4. tölul. og 6.–7. tölul., og menningar- og viðskiptaráðuneytið skv. 1., 2., 6. og 7. tölul. 9. gr. forseta­úrskurðar um skiptingu stjórnarmálefna milli ráðuneyta í Stjórnarráði Íslands og ber embættis­heitið atvinnuvegaráðherra.

3. gr.

Dómsmálaráðherra.

Þorbjörg Sigríður Gunnlaugsdóttir fer með stjórnarmálefni sem heyra undir dómsmála­ráðuneytið skv. 2. gr. og félags- og vinnumarkaðsráðuneytið skv. 5. og 6. tölul. 3. gr. forseta­úrskurðar um skiptingu stjórnarmálefna milli ráðuneyta í Stjórnarráði Íslands og ber embættis­heitið dómsmálaráðherra.

4. gr.

Félags- og húsnæðismálaráðherra.

Inga Sæland fer með stjórnarmálefni sem heyra undir félags- og vinnumarkaðsráðuneytið skv. 3. gr., að undanskildum ee-lið 4. tölul., 5. og 6. tölul., heilbrigðisráðuneytið skv. m–q-lið 3. tölul. 6. gr. og innviðaráðuneytið skv. 4. og 5. tölul. 7. gr. forsetaúrskurðar um skiptingu stjórnar­málefna milli ráðuneyta í Stjórnarráði Íslands og ber embættisheitið félags- og húsnæðismálaráðherra.

5. gr.

Fjármála- og efnahagsráðherra.

Daði Már Kristófersson fer með stjórnarmálefni sem heyra undir fjármála- og efnahags­ráðuneytið skv. 4. gr. forsetaúrskurðar um skiptingu stjórnarmálefna milli ráðuneyta í Stjórnar­ráði Íslands og ber embættisheitið fjármála- og efnahagsráðherra.

6. gr.

Heilbrigðisráðherra.

Alma Dagbjört Möller fer með stjórnarmálefni sem heyra undir heilbrigðisráðuneytið skv. 6. gr., að undanskildum m–q-lið 3. tölul., forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið heilbrigðisráðherra.

7. gr.

Menningar-, nýsköpunar- og háskólaráðherra.

Logi Einarsson fer með stjórnarmálefni sem heyra undir háskóla-, iðnaðar- og nýsköp­unar­ráðuneytið skv. 5. gr., að undanskildum 8. og 10. tölul., og menningar- og viðskipta­ráðuneytið skv. 3.–5. og 8.–10. tölul. 9. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið menningar-, nýsköpunar- og háskóla­ráðherra.

8. gr.

Mennta- og barnamálaráðherra.

Ásthildur Lóa Þórsdóttir fer með stjórnarmálefni sem heyra undir félags- og vinnu­mark­aðsráðuneytið skv. ee-lið 4. tölul. 3. gr. og mennta- og barnamálaráðuneytið skv. 10. gr. forseta­úrskurðar um skiptingu stjórnarmálefna milli ráðuneyta í Stjórnarráði Íslands og ber embættis­heitið mennta- og barnamálaráðherra.

9. gr.

Samgöngu- og sveitarstjórnarráðherra.

Eyjólfur Ármannsson fer með stjórnarmálefni sem heyra undir háskóla-, iðnaðar- og nýsköp­unar­ráðuneytið skv. 10. tölul. 5. gr. og innviðaráðuneytið skv. 7. gr., að undanskildum 4. og 5. tölul., forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið samgöngu- og sveitarstjórnarráðherra.

10. gr.

Umhverfis-, orku- og loftslagsráðherra.

Jóhann Páll Jóhannsson fer með stjórnarmálefni sem heyra undir matvælaráðuneytið skv. d-lið 4. tölul. og 6.–7. tölul. 8. gr. og umhverfis-, orku- og loftslagsráðuneytið skv. 11. gr. forseta­úrskurðar um skiptingu stjórnarmálefna milli ráðuneyta í Stjórnarráði Íslands og ber embættis­heitið umhverfis-, orku- og loftslagsráðherra.

11. gr.

Utanríkisráðherra.

Þorgerður Katrín Gunnarsdóttir fer með stjórnarmálefni sem heyra undir utanríkis­ráðuneytið skv. 12. gr. forsetaúrskurðar um skiptingu stjórnarmálefna milli ráðuneyta í Stjórnar­ráði Íslands og ber embættisheitið utanríkisráðherra.

12. gr.

Úrskurður þessi öðlast þegar gildi. Með úrskurði þessum fellur úr gildi úrskurður nr. 32 frá 9. apríl 2024 um skiptingu starfa ráðherra.

Gjört á Bessastöðum, 21. desember 2024.

Halla Tómasdóttir.

(L. S.)