1. gr.
Stjórn sjóðsins hefur samþykkt eftirfarandi breytingu á skipulagsskrá sjóðsins:
3. gr. orðist svo:
Markmið Þekkingarnets Þingeyinga eru:
Símenntun
að vera miðstöð símenntunar og fullorðinsfræðslu í Þingeyjarsýslum að efla menntunarmöguleika í Þingeyjarsýslum að bjóða upp á námskeið og námsleiðir tengd atvinnulífi og tómstundum að hafa milligöngu um fjarnámsframboð í héraðinu í samstarfi við skóla á viðkomandi skólastigum að veita námsráðgjöf og stuðning við nema og fólk sem hyggur á nám að vinna með fyrirtækjum, sveitarfélögum og stofnunum við mótun símenntunarstefnu þeirra og sérsniðinna námsleiða
Rannsóknir og þróun
að vera miðstöð rannsóknastarfs og rannsakenda í Þingeyjarsýslum að hafa frumkvæði að rannsóknaverkefnum og rannsóknastarfi í héraðinu að þjóna vísinda- og fræðimönnum, einstaklingum, rannsóknanemum í framhaldsnámi, stofnunum og samtökum í Þingeyjarsýslum að vera leiðandi afl í að byggja upp samstarf þeirra aðila er stunda rannsóknir í héraðinu og stuðla að aukinni starfsemi rannsóknaraðila í héraðinu að taka virkan þátt í að móta öflugt nýsköpunarumhverfi í Þingeyjarsýslum í samstarfi við hagsmunaaðila í héraðinu að byggja upp samstarf og tengsl hagsmunaaðila innan íslensks nýsköpunarumhverfis
Háskólanám
að starfrækja háskólanámssetur á Húsavík og eftir þörfum víðar í Þingeyjarsýslum með tilheyrandi aðstöðu og búnaði að vinna með háskólum að bættri þjónustu í formi fjarkennslu og staðbundins náms í Þingeyjarsýslum að þróa námsleiðir og/eða námskeið sem byggja á sérstöðu í náttúrufari og/eða menningu í Þingeyjarsýslum í samstarfi við háskóla
Nýsköpun
að stuðla að samþættingu svæðisbundins fræðslu- og rannsóknastarfs við nýsköpunar- og frumkvöðlastarf með klasasamstarfi á starfssvæðinu að stuðla að eflingu frumkvöðlastarfs og vinna að bættri aðstöðu og aðbúnaði til nýsköpunarstarfs á starfssvæðinu, t.a.m. með uppbyggingu og rekstri frumkvöðlasetra og/eða fablab-smiðja
Samþætting þekkingarstarfs
að efla byggð í Þingeyjarsýslum með styrkri símenntun, þjónustu á sviði háskólanáms, rannsóknastarfi og aðstöðu fyrir nýsköpunarstarf að samþætta rannsóknir, fræðastarf, menntun og þróunarstarf og hagsmuni þeirra aðila sem koma að þessum málaflokkum.
4. gr. orðist svo:
Í stjórn stofnunarinnar sitja átta, tilnefnd til tveggja ára í senn. Samsetning stjórnar miðast við að hafa fulltrúa frá stéttarfélögum á starfssvæðinu, atvinnulífinu á starfssvæðinu, frá Norðurþingi, sveitarstjórnum í Þingeyjarsýslum utan Húsavíkur, framhaldsskólum héraðsins, háskólum og stofnunum sem starfa í samstarfsklasa Þekkingarnetsins. Stjórnarfólk skal tilnefnt á aðalfundi.
Til að ná þessu markmiði tilnefna eftirtaldir aðilar einn stjórnarmann hver:
Framsýn stéttarfélag Samtök atvinnurekenda á Norðurlandi eystra Norðurþing Þingeyjarsveit, Langanesbyggð og Tjörneshreppur (einn sameiginlega) Framhaldsskólinn á Laugum og Framhaldsskólinn á Húsavík (einn sameiginlega) Háskólinn á Akureyri Háskóli Íslands Náttúrustofa Norðausturlands
Ef tilnefningar til stjórnar berast ekki fyrir aðalfund er fráfarandi stjórn heimilt að tilnefna fulltrúa í stjórn í stað þess sem vantar.
Falli stjórnarmaður úr stjórn af einhverjum ástæðum velur sá aðili sem hann tilnefndi annan í hans stað til stjórnarsetu frá og með næsta stjórnarfundi. Stjórnin skiptir með sér verkum til tveggja ára í senn og kýs sér formann, varaformann og ritara. Stjórn er heimilt að tilnefna framkvæmdaráð, skipað 3 stjórnarmönnum sem starfar í umboði stjórnar með forstöðumanni. Á fundum stjórnar ræður einfaldur meirihluti atkvæða úrslitum. Falli atkvæði á stjórnarfundum jafnt hefur atkvæði formanns tvöfalt vægi. Formanni stjórnar er skylt að boða fund ef a.m.k. tveir stjórnarmenn krefjast þess. Það sem gerist á fundum stjórnar skal bókað í gerðabók.
Stjórn Þekkingarnetsins fer með æðsta vald stofnunarinnar, mótar stefnu og starfstilhögun og vinnur að markmiðum stofnunarinnar skv. 3. gr. Stjórn ber ábyrgð á rekstri, fjárhag og eignum stofnunarinnar og setur henni reglur. Stjórnarfundir skulu boðaðir með a.m.k. 5 daga fyrirvara. Stjórnarmaður víkur af fundi sé fjallað um málefni er varða hann persónulega. Stjórnin ræður löggiltan endurskoðanda til að yfirfara reikninga stofnunarinnar. Stjórn hefur heimild til að skipa nefndir um sérstök verkefni.
5. gr. orðist svo:
Aðalfund sjálfseignarstofnunarinnar skal halda ár hvert. Formaður stjórnar boðar til aðalfundar með dagskrá með minnst 7 daga fyrirvara og skal hann haldinn fyrir 1. júlí ár hvert. Á aðalfundi skal stjórn leggja fram skýrslu um starfsemi ársins, ársreikning fyrir undangengið fjárhagsár ásamt áætlun um starfsemi komandi árs. Á aðalfundi skal lýsa tilnefningum í stjórn og leggja fram reikninga síðasta árs ásamt ársskýrslu stjórnar.
2. gr.
Ofangreind breyting á skipulagsskrá fyrir Þekkingarnet Þingeyinga staðfestist hér með samkvæmt lögum nr. 19/1988 um sjóði og stofnanir sem starfa samkvæmt staðfestri skipulagsskrá.
F.h. sýslumannsins á Norðurlandi vestra, 1. september 2023,
Björn Hrafnkelsson.
|