Í samræmi við skipulagslög nr. 123/2010 hefur sveitarstjórn Skeiða- og Gnúpverjahrepps sam­þykkt eftirfarandi deiliskipulagsáætlun:

Deiliskipulag, Laufvallargil.
Deiliskipulagið tekur til lóðarinnar Laufvallargils, L220188. Innan skipulagsmarka eru afmark­aðar tvær lóðir og einn byggingarreitur á hvorri lóð. Á hvorri lóð er heimilt að byggja eitt frístundahús allt að 120 m² að stærð á einni eða tveimur hæðum auk tveggja aukahúsa s.s. gesta­húss, geymslu eða baðhúss. Hámarksnýtingarhlutfall lóða er 0,03. Heimilt er að leigja út gistingu til ferðamanna.
Samþykkt í sveitarstjórn 17. maí 2023.

Ofangreind deiliskipulagsáætlun hefur hlotið þá meðferð sem skipulagslög mæla fyrir um og öðlast þegar gildi.

Laugarvatni, 1. september 2023.

Skipulagsfulltrúi Umhverfis- og tæknisviðs uppsveita bs.,

Vigfús Þór Hróbjartsson.